ຮອງປະທານຊໍາຊຸງຖືກຕັດສິນຈໍາຄຸກ 5 ປີ ໂທດຖານຄໍຣັບຊັ່ນ(ກົດຊົມຄລິບ)

ສໍານັກຂ່າວຕ່າງປະເທດລາຍງານຈາກກຸງໂຊ ປະເທດເກົາຫຼີໃຕ້ໃນວັນທີ່ 25 ສິງຫາ ວ່າສານແຂວງກຸງໂຊກາງ ມີຄໍາສັ່ງພິພາກສາໃນວັນສຸກໃຫ້ ສະຫາຍ ແຈ-ຍອງ ອາຍຸ 49 ປີ ຮອງປະທານບໍລິສັດຊໍາຊຸງ ອີເລັກໂທຣນິກ ຮັບໂທດຈໍາຄຸກເປັນເວລາ 5 ປີ ເນື່ອງຈາກຈໍາເລີຍມີຄວາມຜິດແທ້ຕາມຂໍ້ກ່າວຫາເຊິ່ງມີຫຼາຍກະທົງ ລວມເຖິງການຕິດສິນບົນແລະຍັກຍອກເງິນເຊິ່ງເຊື່ອມໂຍງເຖິງການຄໍຣັບຊັ່ນຂອງນາງ ຊເວ ຊຸນ-ຊິລ ແລະນໍາໄປສູ່ການຖອດຖອນ ປະທານາທິບໍດີຍິງຄົນທໍາອິດຂອງເກົາຫຼີໃຕ້ປາກ ກິນ-ເຮ ອອກຈາກຕໍາແໜ່ງ

ປາກ ກິນ-ເຮ ອາດີດປະທານາທິບໍດີຍິງຄົນທໍາອິດຂອງເກົາຫຼີໃຕ້

ແນວໃດກໍ່ຕາມຄໍາພິພາກສານີ້ຍັງຖືວ່າບໍ່ສິ້ນສຸດໝາຍຄວາມວ່າທັງໂຈນແລະຈໍາເລີຍສາມາດຍື່ນອຸທອນໄດ້ພາຍໃນເວລາທີ່ກໍານົດໂດຍຄວາມເປັນຈິງໄອຍາການສານມອບບົດລົງໂທດຈໍາຄຸກ 12 ປີ ໃຫ້ແກ່ ສະຫາຍ ແຈ-ຍອງ ຜູ້ກະທໍາຜິດ ຖືເປັນປະທານຂອງອານາຈັກທຸລະກິດຊໍາຊຸງຈາກການເປັນລູກຊາຍກົກຂອງທ່ານ ອີ ຄຸນ-ຮີ ປະທານບໍລິສັດຄົນປັດຈຸບັນອາຍຸ 75 ປີ ທີ່ກໍາລັງນອນເຈັບປ່ວຍຢູ່ທີ່ໂຮງໝໍ

ຄໍາຕັດສິນຂອງສານຍັງບໍເປັນທີ່ຊັດເຈນວ່າຈະມີຜົນກະທົບຕໍ່ທຸລະກິດຂອງຊໍາຊຸງໜ້ອຍຫຼາຍພຽງໃດ ເນື່ອງຈາກບໍລິສັດເປີດຕົວ ສມາທໂຟນລຸ່ນໃໝ່ ກາແລັກຊີ່ ເອສ 8 ໃນອາທິດນີ້

ຄລິບປະກອບ: YTN News