3 ມະຫາອໍານາດຊ້ອມຮົບໃນແຫຼມເກົາຫຼີ(ຊົມຄລິບ)

ສໍານັກຂ່າວຕ່າງປະເທດລາຍງານຈາກກຸງໂຊ ປະເທດເກົາຫຼີ ໃນວັນທີ່ 19 ກັນຍາ ວ່າເຮືອບິນຂັບໄລ່ເອຟ-38 4 ລໍາແລະເຮຶອບິນຖິ້ມລະເບີດທາງຍຸດທະສາດບີ-1ບີ 2 ລໍາຂອງກອງທັບສະຫະລັດຮ່ວມດ້ວຍເຮືອບິນຂັບໄລ່ເອຟ-15ເຄ ອີກ 4 ລໍາຂອງກອງທັບອາກາດເກົາຫຼີໃຕ້ ເຝິກຊ້ອມຮ່ວມກັນໃນເຂດນ່ານນໍ້າຂອງເກົາຫຼີໃຕ້ແລະເໜືອແຫຼມເກົາຫຼີ ໃນວັນຈັນທີ່ຜ່ານມາເຊິ່ງລັດຖະບານໂຊເປີດເຜີຍວ່າເປັນການ ສະແດງສັກກະຍະພາບແລະຄວາມຮ່ວມມືລະຫວ່າງສອງປະເທດ ໃນການປະເຊີນໜ້າກັບໄພຄຸກຄາມດ້ານຂີປະນາວຸດແລະນິວເຄຣຍຂອງເກົາຫຼີເໜືອ

ດ້ານກອງທັບເຮືອີນແລະກອງທັບເຮືອລັດເຊຍທໍາການຊ້ອມຮົບຮ່ວມກັນ ບໍລິເວນທະເລລະຫວ່າງເມືອງວລາດິວໍສຕັອກ ທາງຕາເວັນອອກຂອງລັດເຊຍກັບທະທະເລໂອຄ໊ອດສຄ໌ ທີ່ຢູ່ທາງເໜືອຂອງຢີປຸ່ນຫຼືຝັ່ງຕາເວັນອອກຂອງແຫຼມເກົາຫຼີ ເຊິ່ງສໍານັກງານຂ່າວຊິນຫົວຂອງທາງການຈີນລາຍງານວ່າພຽງວາເປັນການຊ້ອມຮົບທາງທະເລຮ່ວມກັບລັດເຊຍເປັນຄັ້ງທີ່ 2 ແລ້ວໃນປີນີ້ໂດຍບໍມີການລະບຸຄວາມເຊື່ອມໂຍງເຖິງສະຖານະການເທິງແຫຼມເກົາຫຼີແຕ່ຢ່າງໃດ

ໃນເວລາດຽວກັນກະຊວງຕ່າງປະເທດສະເປນອອກຖະແຫຼງການວ່າ ສະຫາຍ ຄິມ ຮຍອກ-ຊໍລ ເອກອັກຄະລາຊະທູດເກົາຫຼີເໜືອຖືເປັນບຸກຄົນ ບໍ່ພືງປາຖະໜາ ແລະໃຫ້ເວລາເຖິງວັນທີ່  ກັນຍາ ນີ້ໃນການເດີນທາງອອກນອກປະເທດເພື່ອຕອບໂຕ້ການທົດສອບລະເບີດນິວເຄຣຍຄັ້ງທີ່  ຂອງລັດຖະບານປຽງຢາງ ໃນວັນທີ່ 3 ກັນຍາທີ່ຜ່ານມາຫຼັງກ່ອນໜ້ານີ້ລັດຖະບານມາດຣິດ ສັ່ງຫຼຸດຈໍານວນເຈົ້າໜ້າທີ່ການທູດຊາວເກົາຫຼີເໜືອໃນປະເທດມາເເລ້ວ 
ຄລິບປະກອບ: