ຜູ້ນໍາໂສມແດງຮ່ວມສະຫຼອງຄວາມສໍາເລັດທົດສອບນິວເຄຣຍຄັ້ງທີ່6(ກົດຊົມຄລິບ)

ຜູ້ນໍາສງສຸດຂອງເກົາຫຼີເໜື່ອສະເໝີມສະຫຼອງຄວາມສໍາເລັດຂອງການທົດສອບນິວເຄຣຍຄັ້ງທີ່ 6 ຮ່ວມກັບບັນດາຜູ້ຊ່ຽວຊານ ກ່ອນຄະນະມົນຕີຄວາມໝັ້ນຄົງແຫ່ງສະຫະປະຊາຊາດກຽມມາດຕະການຄວໍ່າບາດລັດຖະບານປຽງຢາງຄັ້ງໃໝ່

ສໍານັກຂ່າວຕ່າງປະເທດລາຍງານຈາກກຸງໂຊ ປະເທດເກົາຫຼີໃຕ້ ໃນວັນທີ່10 ກັນຍາ ວ່າ ສໍານັກຂ່າວກາງເກົາຫຼີ ລາຍງານວ່າ ຄິມ ຈອງ-ອຶນ ຜູ້ນໍາສູງສຸດຂອງເກົາຫຼີເໜືອ ຮ່ວມເປັນກຽດໃຫ້ວິສະວະກອນແລະນັກວິທະຍາສາດທີ່ມີສ່ວນຮ່ວມກັບໂຄງການພັດທະນາດ້ານອາວຸດ ນໍາໄປສູ່ຄວາມສໍາເລັດໃນການທົດສອບລະເບີດນິວເຄຣຍຄັ້ງທີ່6 ໃນວັນທີ່ 3 ກັນຍາທີ່ຜ່ານມາ ໃນພິທີສະເໝີມສະຫຼອງ ເຊິ່ງຈັດຂື້ນໃນກຸງປຽງຢ່າງຍິ່ງໃຫຍ່ ໃນວັນເສົາທີ່ຜ່ານມາ ກົງກັບວັນຄົບຮອບ 69 ປີ ແຫ່ງການສະຖາປານາເກົາຫຼີເໜືອ ໂດຍ ຄິມ ຈອງ-ອຶນ ກ່າວຊື່ນຊົມສຫາຍ ຊອງ-ຮອບ ແລະ ສະຫາຍ ຮອງ ຊອງ-ມູ ສອງນັກວິທະຍາສາດອາວຸໂສມີບົດບາດໃນໂຄງການພັດທະນານິວເຄຣຍຄັ້ງລ່າສຸດວ່າເປັນພັດທະນາການໃຫ້ເກົາຫຼີເໜືອເຂົ້າໃກ້ການເປັນ ລັດນິວເຄຣຍ

ບັນຍາກາດການສະເໝີມສະຫຼອງໃນກຸງປຽງຢາງເປັນໄປດ້ວຍຄວາມຮຽບຮ້ອຍ ເຊິ່ງຜິດຈາກການຄາດເດົາຂອງລັດຖະບານເກົາຫຼີໃຕ້ ເຊິ່ງປະເມີນວ່າມີຄວາມເປັນໄປໄດ້ທີ່ເກົາຫຼີເໜືອຈະທົດສອບຂີປະນາວຸດຄັ້ງໃໝ່ ຫຼັງຈາກທີ່ການທົດສອບລະເບີດນິວເຄຣຍຄັ້ງລ່າສຸດທີລັດຖະບານປຽງຢາງອ້າງວ່າເປັນລະເບິໍີດໄຮໂດຣເຈນ ແລະສາມາດນໍາໄປຕິດຕັ້ງປະກອບເຂົ້າກັບຫົວລັບຂອງຂີປະນາວຸດຂ້າມທະວີບ

ງານສະຫຼອງຂອງເກົາຫຼີເໜືອມີຂຶ້ນພຽງ 2 ວັນກ່ອນຄະນະມົນຕີຄວາມໝັ້ນຄົງແຫ່ງສະຫະປະຊາຊາດ ກຽມລົງມະຕິມາດຕະການຄວໍ່າບາດລັດຖະບານປຽງຢາງໃນວັນຈັນທີ 11 ກັນຍາໂດຍ ຖ້າຫາກມາດຕະການດັ່ງກ່າວເຫັນດີຈະສົ່ງຜົນກະທົບຕໍ່ການຊື້-ຂາຍນໍ້າມັນລະຫວ່າງລັດຖະບານປຽງຢາງກັບປະເທດຄູ່ຄ້າລາຍສໍາຄັນຄືຈີນແລະຣັດເຊຍແລະອາດຈະນໍາໄປສູ່ການອາຍັດຊັບສິນຂອງຜູ້ນໍາສູງສຸດແຫ່ງເກົາຫຼີເໜືອແລະຄະນະ

ຄລິບປະກອບ: