ຢີ່ປຸ່ນເສີມຖານກຽມຍິງສະກັດຂີປະນາວຸດທີ່ເກາະຮອກໄກໂດ(ມິຄລິບ)

ສໍານັກຂ່າວຕ່າງປະເທດລາຍງານຈາກກຸງໂຕກຽວປະເທດຢີ່ປຸ່ນໃນວັນທີ່ 19 ກັນຍາວ່າ ທ່ານ ອິຕສິໂນະຣິ ໂອໂນະເດຣະ ລັດຖະມົນຕີກະຊວງປ້ອງກັນປະເທດຢີປຸ່ນ ເຜີຍວ່າລະບົບລູກສອນໄຟສະກັດຂີປະນາວຸດແບບ ແພທຣິອອຕ ແອດວານຊ໌ ເຄພະບິລລີທີ-3 ຫຼື ພີເອຊີ-3 ຖືກເຄື່ອນຍ້າຍໄປຕິດຕັ້ງເພີ່ມອີກຈຸດໃນວັນອັງຄານ ໃນຖານທັບຮາໂກະດາເຕະ ຂອງກອງກໍາລັງປ້ອງກັນຕົນເອງທາງບົກ ເຊີ່ງຕັ້ງຢູ່ທາງແຫຼມຕອນໃຕ້ຂອງເກາະຮອກໄກໂດ ແລະຢູ່ໃກ້ກັບເສັ້ນທາງຂອງຂີປະນາວຸດທີ່ເກົາຫຼີເໜືອທົດສອບຍິງຂ້າມເກາະຮອກໄກໂດໄປຕົກລົງໄປໃນມະຫາສະໝຸດປາຊີຟິກໃນອາທິດແລ້ວ

ພີເອຊີ-3 ຊຸດນີ້ຂົນຍ້າຍມາຈາກຖານທັບອີກແຫ່ງໜື່ງໃນເມືອງຍາຄຸໂມະ ເທິງເກາະຮອກໄກໂດເຊັ່ນດຽວກັນຫ່າງຈາກເມືອງຮາໂກະດາເຕະໄປທາງຕະເວັນອອດສຽງເໜືອປະມານ 80 ກມ ລະບົບພີເອຊີ-3 ມີພິໄສຍິງໄກປະມານ 20 ກມ

ໃນຊ່ວງເວລາທີ່ບໍດົນມານີ້ຢີປຸ່ນຕິດຕັ້ງລະບົບພີເອຊີ-3 ອີກ 34 ຊຸດ ໃນ 4 ຈຸດທາງພາກຕາເວັນອອກສຽງໃຕ້ຂອງປະເທດສ່ວນໃຫຍ່ເພື່ອປົກປ້ອງນະຄອນຫຼວງໂຕກຽວແລະພູມິພາກອ້ອມຂ້າງຫຼັງຈາກທີ່ເກົາຫຼີເໜືອເຕືອນຈະຍິງຂີປະນາວຸດໂຈມຕີເກາະກວມ ດິນແດນຂອງສະຫະລັດໃນມະຫາສະໝຸດປາຊີຟິກ

ປັດຈຸບັນຢີ່ປຸ່ນມີລະບົບປ້ອງກັນປະເທດຈາກຂີປະນາວຸດ 2 ຊັ້ນ ໂດຍຊັ້ນທໍາອິດແມ່ນເຮືອພິຄາດຕິດຕັ້ງລະບົບແອຈິສ ລອຍລໍາຢູ່ທີ່ທະເລຢີ່ປຸ່ນ ເຊິ່ງຈະພະຍາຍາມຍິງສະກັດແລະທໍາລາຍຂີປະນາວຸດກາງອາກາດ ຖ້າຫາກຂັ້ນທໍາອິດບໍສໍາເລັດກໍ່ຈະເປັນໜ້າທີ່ຂອງລະບົບຈາກພື້ນດິນສູ່ອາກາດພີເອຊີ-3

ຊົມຄລິບ: