ອິນເດຍຜ່າຕັດແຍກເດັກແຝດຫົວຕິດກັນໄດ້ສໍາເລັດ(ມີຄລິບ)

ສໍານັກຂ່າວເອເອຟພີລາຍງານຈາກກຸງນິວເດລີ ປະເທດອິນເດຍ ໃນວັນທີ່ 27 ຕຸລາວ່າ ເດັກນ້ອຍຝາແຝດອາຍຸ 2 ປີເຄິ່ງ ເຊິ່ງມີຮ່າງກາຍທີ່ມີຫາພົບຍາກ ປະກົດໃນເດັກເກີດໃໝ່ປະມານ 1 ໃນ 2,5ລ້ານຄົນ ເຂົ້າຮັບການຜ່າຕັດແຍກຮ່າງກາຍທີ່ໂຮງໝໍສະຖາບັນແພທຍ໌ສາດ ອໍລອິນເດຍ(ເອໄອເອັມເອສ)ຂອງລັດຖະບານ ໃນເມືອງຫຼວງນິວເດລີ ໃນວັນພຸດ

ໂດຍຖະແຫຼງການຂອງໂຮງໝໍ ກ່າວຍ້ອງຍໍຄວາມຮ່ວມມືຂອງທີມແພທຍ໌ 40 ຄົນ ພະບາບານ 20 ຄົນ ແລະເຈົ້າໜ້າທີ່ແພທຍ໌ອື່ນໆ ອີກຈໍານວນຫຼາຍ ເຮັດໃຫ້ການຜ່າຕັດຄັ້ງນີ້ປະສົບຜົນສໍາເລັດດ້ວຍດີ

ຖະແຫຼງການບອກອີກວ່າ ສິ່ງທີ່ທ້າທາຍຫຼາຍທີ່ສຸດຄືການສ້ອມແຊມຊ່ອງຕ່າງໆ ໃນຫົວຂອງເດັກ ທີເກີດຫຼັງການແຍກຮ່າງກາຍ ເນື່ອງຈາການຜ່າຕັດເຮັດໃຫ້ເກີດຊ່ອງຂະໜາດໃຫຍ່ໃນຫົວຂອງເດັກທັງຄູ່ ໂດຍຜິວໜັງໄດ້ຂະຫຍາຍບໍລລູນ 2 ລູກ ທີ່ຕິດໄວ້ພາຍໃນຫົວຂອງທັງຄູ່

ເດັກຊາຍຝາແຝດຊື່ ຈາກາແລະຄາເຍ ເກີດໃນໝູ່ບ້ານແຫ່ງໜື່ງ ໃນລັດໂອຣິສສາ ທາງພາກຕາເວັນອອກຕອນກາງ ໂດຍມີເສັ້ນເລທອແລະເຍື່ອສະໝອງບາງສ່ວນຮ່ວມກັນ ການຜ່າຕັດແຍກຮ່າງຂັ້ນຕອນທໍາອິດມີຂື້ນໃນເດືອນ ສິງຫາ