ແຮັກເກີເກົາຫຼີເໜືອລັກຂໍ້ມູນເອກະສານລັບຂອງເກົາຫຼີໃຕ້

ແຮັກເກີເກົາຫຼີເໜືອສາມາດລັກເອກະສານລັບທາງທະຫານຂອງເກົາຫຼີໃຕ້ ລວມເຖິງແຜນປະຕິບັດການທາງທະຫານເຊິ່ງກ່ຽວຂອງກັບພັນທະມິດສໍາຄັນເປັນຕົ້ນແມ່ນສະຫະລັດດ້ວຍ

ສໍານັກຂ່າວຕ່າງປະເທດລາຍງານຈ່ໍາກກງໂຊປະເທດເກົາຫຼີໃຕ້ ໃນວັນທີ່ 10 ຕຸລາວ່າ ໜັງສືພິມລາຍວັນໂຊຊອນ ອິລ ໂບ ລາຍງານວ່າ ທ່ານ ຣີ ຊົນ-ຮີ ສະມາຊິກລັດສະພາປະຊາທິປະໄຕພັກລັດຖະບານເກົາຫຼີໃຕ້ເປີດເຜີຍວ່າ ແຮັກເກີຂອງເກົາຫຼີເໜືອລ້ວງຂໍ້ມູນເຄືອຄ່າຍທາງທະຫານຂອງເກົາຫຼີໃຕ້ໃນເດືອນກັນຍາ ທີ່ຜ່ານມາ ແລະສາມາດລັກເອົາຂໍ້ມູນໄປໄດ້ 235 ກິກະໄບຕ໌ ໃນຈໍານວນຂໍ້ມູນທີ່ຖືກລັກໄປນັ້ນ ມີແຜນປະຕິບັດການ 5051 ເຊິງຈະຕ້ອງຖືກນາໃຊ້ໃນກໍລະນີເກີດສົງຄາມກັບເກົາຫຼີເໜືອລວມເຖິງຂັ້ນຕອນປະຕິບັດເພືອດໍາເນີນການກັບຄິມ ຈອງ-ອຶນ ຜູ້ນໍາສູງສຸດຂອງເກົາຫຼີເໜືອ

ທ່ານ ຣີ ຊົນ-ຮີ ເຊິ່ງເປັນສະມາຊິກຄະນະກໍາມະການກະຊວງປ້ອງກັນປະເທດຂອງລັດສະພາ ບໍຍອມໃຫ້ຄໍາເຫັນໃນເລື່ອງນີ້ ແຕ່ສໍານັກງານຂອງທ່ານໄດ້ຢືນຢັນວ່າ ທ່ານ ຣີຊົນ-ຮີ ເວົ້າຖືກຕ້ອງແລ້ວ