ໝໍຟິລິບປິນກຽມຜ່າຕັດແຍກຮ່າງກາຍ ເດັກນ້ອຍຝາແຝດຫົວຕິດກັນ ສ່ຽງລອດ1ເສຍຊີວິດ1

ໃນວັນທີ່ 22 ພະຈິກ ປີ 2017 ສໍານັກຂ່າວຊິນຫົວ ລາຍງານວ່າ ຈອຍແລະຈາຍຊ໌ ແມັກຊີໂນ ພ່ນ້ອງຝາແຝດຊາວຟິລິບປິນ ໃນໄວ 10 ປີ ທີ່ຫົວຕິດກັນຕັ້ງແຕ່ເກີດ ກຽມເຂົ້າຮັບຜ່າຕັດແຍກຫົວໂດຍຄະນະແພດປະຈໍາໂຮງໝໍທ້ອງຖິ່ນ ໃກ້ກັບກຸງມະນິລາ ເມືອງຫຼວງຂອງຟິລິບປິນ

ໂດຍເດັກນ້ອຍ 2 ຄົນໄດ້ຜ່ານການກວດຮ່າງກາຍເພື່ອການຜ່າຕັດແລ້ວ ເຊິ່ງຄະນະແພດໃຫ້ຄວາມຄິດເຫັນວ່າການຜ່າຕັດສາມາດດໍາເນີນໄດ້ ແຕ່ກໍມີຄວາມສ່ຽງຄືກັນວ່າ ຄົນໃດຄົນໜຶ່ງອາດເສຍຊີວິດລະຜ່າຕັດ

ໃນຂະນະດຽວກັນພໍ່ແມ່ເອງກໍຫວັງວ່າລູກໄດ້ໃຂໃຊ້ຊີວິດຄືກັບຄົນປົກກະຕິ ລວມເຖິງກໍາລັງຊອກຫາທາງຊ່ວຍເຫຼືອເພື່ອຈ່າຍຄ່າຜ່າຕັດເຊິ່ງຕົກເປັນເງິນມູນຄ່າ 99,400 ໂດລ່າສະຫະລັດ ໂດຍພໍ່ຂອງເດັກນ້ອຍມີອາຊີບເປັນພະນັກງານອະນາໄມລາຍໄດ້ພຽງ 8 ໂດລ່າສະຫະລັດຕໍ່ມື້ເທົ່່ານັ້ນ

ແລະມີລາຍງານາການຜ່າຕັດເດັກນ້ອຍຝາແຝດຫົວຕິດກັນມາແລ້ວຫຼາຍລາຍກໍລະນີ ໃນເດືອນກໍລະກົດ ທີ່ຜ່ານມາ ຄະນະແພດ 30 ຄົນຂອງໂຮງໝໍແຫ່ງໜື່ງໃນສະຫະລັດອາເມຣິກາໃຊ້ເວລາ11ຊົ່ວໂມງ ຜ່າຕັດແຍກເດັກນ້ອຍຍິງຝາແຝດໃນໄວສິບເດືອນໄດ້ສໍາເລັດ