ເກົາຫຼີເໜືອປະນາມສະຫະລັດ ຍຸກແຍ່ ຫຼັງຈາກຖືກຂື້ນບັນຊີດໍາກໍ່ການຮ້າຍ

ສໍານັກຂ່າວຕ່າງປະເທດລາຍງານຈາກກຸງໂຊ ປະເທດເກົາຫຼີໃຕ້ ໃນວັນທີ່ 23 ພະຈິດວ່າ ກະຊວງການຕ່າງປະເທດເກົາຫຼີເໜືອເຜີຍແຜ່ຖະແຫຼງການຜ່ານສໍານັກຂ່າວກາງເກົາຫຼີ ເຊິ່ງເປັນກະບອກສຽງຂອງລັດຖະບານປຽງຢາງ ວ່າເກົາຫຼີເໜືອບໍ່ມີຄວາມເຊື່ອມໂຍງຫຼືກ່ຽວຂ້ອງກັບການກໍ່ການຮ້າຍ ໃນທຸກກໍລະນີ ແລະ ຈະບໍ່ໃຫ້ຄວາມສໍາຄັນກັບ ບົດບາດ ທີ່ສະຫະລັດມອບໃຫ້ ແນວໃດກໍຕາມ ການທີ່ປະທານາທິບໍດີໂດນັລ ທຣໍ້າ ເພີ່ມຊື່ເກົາຫຼີເໜືອເຂົ້າສູ່ບັນຊີດໍາ ລັດສະໜັບສະໜູນການກໍ່ການຮ້າຍ ຖືເປັນເຈດຕະນາ ຍຸກແຍ່ແລະຄຸກຄາມຂັ້ນຮ້າຍແຮງ ແລະຈະເຮັດໃຫ້ລັດຖະບານປຽງຢາງເດີນໜ້າພັດທະນາໂຄງການນິວເຄຣຍຕໍ່ໄປຫຼາຍຂື້ນ

ສ່ວນທາງດ້ານ ທ່ານ ລູ່ ກັງ ໂຄສົກກະຊວງການຕ່າງປະເທດຈີນ ກ່າວໃນວັນພຸດທີ່ຜ່ານມາວ່າ ລັັດຖະບານປັກກິ່ງຄັດຄ້ານໃນການໃຊ້ມາດຕະການກົດດັນພຽງຝ່າຍດຽວຂອງລັດຖະບານໃດກໍຕາມ ທີ່ມີສະຖານະການໃດໜື່ງເຊິ່ງເປັນຜິດ ແລະບໍາສາມາດແກ້ໄຂບັນຫາໃນໄລຍະຍາວ ຫຼັງຈາກສະຫະລັດເພິ່ມຊີື່ບໍລິສັດຈີນ 3 ແຫ່ງເຂົ້າສູ່ມາດຕະການຂວໍ້າບາດກ່ຽວຂ້ອງກັບເກາຫຼີເໜືອຄັ້ງໃໝ່

ສ່ວນຄະນະລັດຖະບານໂຊກໍາລັງພິຈາລະນາການຢຸດຕິຊ້ອມຮົບກັບສະຫະລັດໃນປີໜ້າ ເນື່ອງຈາກເກົາຫຼີໃຕ້ຕ້ອງເປັນເຈົ້າພາບກີລາໂອລິມປິກ ລະດູໜາວ ທີ່ເມືອງປຽງຊານ ແລະພາຣລິມປິກລະດູໜາວ ເພື່ອຫຼຸດຄວາມສ່ຽງ ຈາກປະຕິກິລິຍາຈາກເກົາຫຼີເໜືອ ທີ່ຍັງສະຫງວນທ່າທີ ເລື່ອງການສົ່ງນັກກີລາເຂົ້າຮ່ວມການແຂ່ງຂັນດ້ວຍ