ມືເກືອບຂາດ! ພໍ່ຕູ້ຈີນແຍ່ມືເຂົ້າຄອກເຫຼັກປ້ອນອາຫານ ແຕ່ຖືກເສືອງັບມື(ມີຄລິບ)

ເວັບໄຊຕ໌ ເດລີເມລ໌ ເຜີຍແຜ່ຄລິບພໍ່ຕູ້ຈີນຖືກເສືອໂຄ່ງຍໍ້າມືຂະນະທີ່ປ້ອນອາຫານຜ່ານຄອກເຫຼັກ ຈົນມືເກືອບຂາດເຫດເກີດຂື້ນທີ່ມົນທົນເຫີໜານ ພາກກາງຂອງປະເທດຈີນໃນວັນທີ່ 22 ພະຈິກ 2017

ລາຍງານລະບຸວ່າ ເສືອໂຄ່ງດັ່ງກ່າວ ຖືກຂັງໃນຄອກເຫຼັກພ້ອມກັບສິງອີກຄອກໜື່ງໃນລົດບັນທຸກຂອງຄະນະລະຄອນສັດ ທີ່ຈອດໃນບໍລິເວນຕະຫຼາດນັດ ເພື່ອຈະສະແດງລະຄອນສັດໃນຄືນວັນດຽວກັນທີ່ເກີດເຫດ

ໃນຄລິບສະແດງໃຫ້ເຫັນວ່າພໍ່ຕູ້ຍ່າງເຂົ້າມາໃກ້ຄອກເຫຼັກແລ້ວໄດ້ແຍ່ມືທັງສອງຂ້າງຜ່ານຄອກເຫຼັກເພື່ອປ້ອນອາຫານໃຫ້ສິງແລະເສືອ ໂດຍບໍາມີຄົນດູແລຈາກຄະນະລະຄອນສັດອອກມາຫ້າມວ່າຫ້າມໃຫ້ອາຫານສັດໂດຍບໍ່ໄດ້ຮັບອານຸຍາດ ເຮັດໃຫ້ເສືອງັບມືຂວາຂອງພໍ່ຕູ້ບໍ່ຍອມປ່ອຍແລະພະຍາຍາມດືງພໍາຕູ້ໃຫ້ເຂົ້າໃກ້ຄອກເຫຼັກ

ຈົນມີພົນລະເມືອງເປັນຊາຍໜຸ່ມເຂົ້າມາຊ່ວຍ ໂດຍໃຊ້ທ່ອນໄມ້ຍາວຟາດຄອກເຫຼັກເພື່ອໃຫ້ເສືອຢຸດ ຈົນໃນທີ່າຸດເສືອກໍ່ປ່ອຍຍ້ອນຖືກໄມ້ແທງປາກ ສ່ວນພໍ່ຕູ້ລົ້ມທັງຢືນແລະຖືກນໍາສົ່ງໂຮງໝໍທັນທີ່ ພົບວ່າຂໍ້ມືແລະສອກມີຮອຍບາດແຜໃຫຍ່ ໃນລາຍງານບໍ່ໄດ້ລະບຸວ່າ ຄະນະລະຄອນສັດຄະນະໃດເປັນຜູ້ຮັບຜິດຊອບແລະບໍາມີໜ່ວຍງານໃດອອກມາຊີ້ແຈງເຖິງເຫດການດັ່ງກ່າວ