ທຣໍ້າ ປະກາດສະຫະລັດຈະບໍ່ທົນເສຍປຽບການຄ້າອີກຕໍ່ໄປ

ໃນວັນທີ່ 10 ພະຈິກການປະຊຸມສຸດຍອດຜູ້ນໍາກຸ່ມຄວາມຮ່ວມມືທາງເສດຖະກິດພິມິພາກອາຊີ-ປາຊີຟິກຫຼື ເອເປກ ທີ່ເມືອງດາໜັງປະເທດຫວຽດນາມ ປະທານາທິບໍດີໂດນັລທຣໍ້າ ຜູ້ນໍາສະຫະລັດກ່າວສະແດງຈຸດຢືນທາງການຄ້າຂອງສະຫະລັດຈະບໍ່ອົດທົນເສຍປຽບອີກຕໍ່ໄປ ໂດຍຮຽກຮ້ອງໃຫ້ປະຊາຄົມໂລກໃຫ້ດໍາເນີນການຄ້າຢ່າງສົມດຸນຍຸດຕິທໍາຫຼາຍຂື້ນ ເຖິງວ່າບໍ່ໄດ້ເອີ່ຍເຖິງຊາດໃດເປັນພິເສດກໍ່ຕາມ

 ຜູ້ນໍາສະຫະລັດກ່າວການຄ້າເສລີເຮັດໃຫ້ຊາວອາເມຣິກາເສຍວຽກຫຼາຍຕ່ໍາແໜ່ງ ທັງກ່າວຕໍ່ຕ້ານອົງກອນການຄ້າເສລີໂລກຄືຜູ້ກໍານົດລະບຽບການຄ້າຂອງໂລກ ແຕເງື່ອນໄຂຂໍ້ກໍານົດຈະບໍ່ຖືກບັງຄັບຫາກຊາດສະມາຊິກບໍ່ເຄົາລົບຕາມກົດກະຕິກາ ໂດຍອ້າງວ່າການຄ້າສະຫະລັດເປັນໄປແບບບໍ່ສົມດຸນເພາະສະຫະລັດພະຍາຍາມຫຼຸດຂໍ້ກີດກັ້ນການຄ້າແລະຫຼຸດກໍາແພງພາສີແຕ່ຫຼາຍປະເທດກັບດໍາເນີນກົງກັນຂ້າມ ເຮັດໃຫ້ສະຫະລັດຕ້ອງດໍາເນີນການຄ້າແບບທະວີກັບແຕ່ລະປະເທດ

ສະເພາະກາານຄ້າລະຫວ່າງສະຫະລັດກັບຈີນປີ່ທີ່ແລ້ວປະມານ 648,000 ລ້ານໂດລ່າສະຫະລັດ ແຕ່ຈີນໄດ້ປຽບສະຫະລັດມູນຄ່າເກືອບ 310,000 ລ້ານໂດລ່າສະຫະລັດ ຂະນະດຽວກັນການຄ້າລະຫວ່າງສະຫະລັດກັບຍີ່ປຸ່ນ ສະຫະລັດເສຍປຽບການຄ້າຕໍ່ຢີປຸ່ນປະມານ 69,000 ລ້ານໂດລ່າສະຫະລັດ

ສ່ວນປະທານາທິບໍດີສີ ຈິ້ນຜິງ ກ່າວລະບຸເຖິງກະແສການຄ້າໃນຮູບແບບໂລກາວິວັດ ຄືສິ່ງທີ່ປະຫວັດສາດອາດຫຼີກລ່ຽງ ລະບົບການຄ້າເສລີຕ້ອງເກີດຂື້ນແລະຈີນກໍາລັງດໍາເນີນການຕາມແນວທາງດັ່ງກ່າວ