ຣັດເຊຍ ເປີດເຜີຍສະຫະລັດຄືຜູ້ໃຫ້ການເຝິກຝົນອາດີດນັກຮົບໄອເອສ ແລະສ້າງກອງກໍາລັງໃໝ່ເພື່ອທໍາລາຍຄວາມໝັ້ນຄົງ ໃນຊີເຣຍ

ສໍານັກຂ່າວຕ່າງປະເທດລາຍງານໃນວັນທີ່ 26 ທັນວາ 2017 ກໍລະນີທາງດ້ານ ພລ.ອ.ວາເລຣີ່ ເກຣາຊິມໍຟ ປະທານຄະນະເສນາທິການທະຫານຂອງຣັດເຊຍ ໄດ້ອອກມາກ່າວຫາສະຫະລັດ ໜັງສືພິມສະບັບໜື່ງ ວ່າໃຫ້ການເຝິກຝົນນັກຮົບກຸ່ມລັດອິດສະລາມ(ໄອເອສ) ໃນຊີເຣຍເພື່ອພະຍາຍາມທໍາລາຍສະຖຽນລະພາບປະເທດນີ້

   ພລ.ອ.ວາເລຣີ່ ເກຣາຊິມໍຟ 

ໂດຍການຊີ້ເປົ້າໄປທີ່ຖານທັບສະຫະລັດທີ່ ຕັນຟ໌ ເຊິ່ງເປັນທາງຫຼວງລະຫວ່າງຊາຍແດນອີຣັກແລະຊີເຣຍ ໂດຍທາງດ້ານປະທານຄະນະເສນາທິການທະຫານຂອງຣັດເຊຍ ໄດ້ລະບຸວ່າ ພື້ນທີ່ແຫ່ງນີ້ມີການເຄື່ອນໄຫວຂອງກຸ່ມຕິດອາວຸດຢູ່ຕະຫຼອດເວລາ ແຕ່ວ່າບໍ່ມີການຄັດຂວາງຈາກກອງທັບສະຫະລັດແຕ່ຢ່າງໃດເລີຍ

ແຕ່ສະຫະລັດ ລະບຸວ່າຖານທັບ ຕັນຟ໌ ເປັນທີ່ຕັ້ງຊົ່ວຄາວສໍາຫຼັບການເຝິກຊ້ອມກອງກໍາລັງພິເສດ ເພື່ອຕໍ່ສູ້ກັບກຸ່ມກໍ່ການຮ້າຍໄອເອສ ແລະປະຕິເສດມາຕະຫຼອດວ່າພື້ນທີ່ແຫງນີ້ເປັນແຫຼ່ງຊ່ອງສຸ່ມຂອງກຸ່ມການຮ້າຍ

ແຕ່ການເປີດເຜີຍຕໍ່ສື່ມວນຊົນຄັ້ງນີ້ຂອງທາງ ດ້ານ ພລ.ອ.ວາເລຣີ່ ເກຣາຊິມໍຟ ໄດ້ຊີ້ໃຫ້ເຫັນວ່າ ສະຫະລັດກໍາລັງເຝິກຝົນນັກຮົບທີ່ເຄີຍເປັນກຸ່ມໄອເອສ ແຕ່ຕອນນີ້ກໍ່ສ້າງຕົວໃໝ່ຂື້ນມາແລະເອີ້ນວ່າກອງທັບຊີເຣຍໃໝ່ ໂດຍ ພລ.ອ.ວາເລຣີ່ ເກຣາຊິມໍຟ ໃຫ້ຂໍ້ມູນວ່າທາງໜັດເຊຍມີຫຼັກຖານຊັດເຈນຄື ພາບຖ່າຈາກດາວທຽມ ແລະໂດຣນ ໄດ້ກວດພົບກອງພັນຕິດອາວຸດໃນຖານທັບແຫ່ງນີ້ແລະກໍາລັງຖືກເຝິກຝົນໃນທີ່ນັ້ນ

ການອອກມາເປີດເຜີຍຂໍ້ມູນໃນລັກສະນະນີ້ ບໍ່ແມ່ນເທືອທໍາອິດ ແຕ່ຫຼາຍຄັ້ງທີ່ຜ່າມາທາງຣັດເຊຍໄດ້ອອກໃຫ້ຂໍ້ມນວ່າສະຫະລັດເປັນຜູ້ຢູ່ເບື່ອງຫຼັງກຸ່ມຕິດອາວຸດເຫຼົ່ານີ້ເຊັ່ນ ຈາກກໍລະນີກວດພົບຄັງອາວຸດຂະໜາດໃຫຍ່ແລະສິ່ງອໍານວຍຄວາມສະດວກດ້ານການຜະລິດ ລວມເຖິງຍານຫຸ້ມເກາະທີ່ຖືກຄົ້ນພົບໃນຖານທັບຂອງກຸ່ມໄອເອສທີ່ຖືຢືດຄອງໃນແຂວງເດອີຢ໌ ເອສຊໍຣ໌

ນອກເໜືອຈາກອາວຸດທີ່ອາເມຣິກາແລະອິດສະຣາເອລ ທາງດ້ານກອງກໍາລັງຊີຣ່ຽນພົບວ່າຜູ້ກໍ່ການຮ້າຍຍັງໄດ້ຈັດການຜະລິອາວຸດຂອງຕົວເອງຂື້ນອີກດ້ວຍ