ທະຫານອັຟການີສະຖານບຸກຊ່ວຍ 150 ຕົວປະກັນທີ່ຖືກກຸ່ມມືປືນຈັບ ໄດ້ສໍາເລັດ ແລະສັງຫານມືປືນ 3 ຄົນ

ໃນວັນທີ່ 21 ມັງກອນ ສໍານັກຂ່າວຕາງປະເທດລາຍງານຄວາມຄືບໜ້າເຫດການ ກຸ່ມມືປືນບຸກຈັບຕົວປະກັນກວ່າ 150 ຄົນໄວ້ໃນໂຮງແຮມຫຼູ ອິນເຕີຄອນຕິເນນຕັລ ໃນກຸງຄາບູລ ເມືອງຫຼວງຂອງ ອັຟການິສະຖານຕັ້ງແຕ່ຕອນແລງຂອງວັນທີ່ 20 ມັງກອນທີ່ຜ່ານມາໄດຢຸດຕິລົງແລ້ວ ເມື່ອທະຫານໜ່ວຍປະຕິບັດການພິເສດຂອງອັຟການິສະຖານ ໄດ້ບຸກຊ່ວຍຕົວປະກັນ ແຂກທີ່ມາພັກໃນໂຮງແຮມ 150 ຊີວິດຈົນປອດໄພແລ້ວຫຼັງຈາກທີ່ຖືກຈັບເປັນຕົວປະກັນ 12 ຊມ ແລະສັງຫານມືປືນ 3 ລາຍ

ກະຊວງພາຍໃນອັຟການິສະຖານລະບຸວ່າ ເຫດການກຸ່ມມືປືນບຸກຢຶດໂຮງແຮມຫຼູ ອິນເຕີຄອນຕິເນນຕັລ ກຸ່ມມືປືນໄດ້ເລີມເປີດສາກຍິງປືນກວດໃສ່ແຂກແລະພະນັກງານໃນໂຮງແຮມ ກ່ອນຈະເລີ່ມຈູດສະນວນລະເບີດ ເປັນເຫດໃຫ້ຜູ້ເສຍຊີວິດ 5 ລາຍແລະບາດເຈັບ 6 ລາຍ

ຫຼັງຈາກເຫດການສິ້ນສຸດລົງຍັງບໍ່ມີກຸ່ມຕິດອາວຸດກຸ່ມໃດອອກມາອ້າງຄວາມຮັບຜິດຊອບ ກ່ອນໜ້ານີ້ກຸ່ມຕິດອາວຸດຕາລີບັນເຄີຍລົງມືກໍ່ເຫດໃນໂຮງແຮມ ອິນເຕີຄອນຕິເນນຕັລມາກ່ອນໃນປີ 2011