ສົງຄາມການຄ້າ!! ຜູ້ປະກອບການໃນສະຫະລັດຢ້ານຈີນເອົາຄືນ ທຣັມ ຢ່າງໜັກແນ່ນອນ (ຄລິບ)

ວັນທີ່ 22 ມີນາ 2018 ເອເອຟພີ ລາຍງານວ່າ ບັນດາຜູ້ປະກອບການໃນສະຫະລັດພາກັນຢ້ານວ່າຈະຖືກທາງການຈີນຕອບໂຕ້ຢ່າງຮຸນແຮງ ຫຼັງ ໂດໂນລ ທຣັມ ລົງນາມໃນຄຳສັ່ງໃຊ້ມາດຕະການລົງໂທດທາງເສດຖະກິດຕໍ່ຈີນ ພ້ອມທັງກ່າວຫາວ່າຈີນບີບຄັ້ນ ຫຼື ລັກ ນຳເອົາເຕັກໂນໂລຊີຂອງສະຫະລັດໄປໃຊ້.

ສຳລັບຜົນຂອງການລົງນາມດັ່ງກ່າວຈະເພີ່ມລະບຽບອັນເຂັ້ມງວດຕໍ່ການລົງທືນຂອງຈີນ ໂດຍເຮັດໃຫ້ເກີດການເກັບພາສີສິນຄ້າຈາກຈີນ 1,300 ສາຍການຜະລິດທີ່ມີມູນຄ່າປະມານ 48,000 ລ້ານໂດລາສະຫະລັດ. ດ້ານກະຊວງການຄ້າຂອງຈີນອອກຕອບໂຕ້ທັນທີວ່າ ຈະດຳເນີນມາດຕະການຕອບໂຕ້ສະຫະລັດ ແລະ ຈະບໍ່ຍອມໃຫ້ສິດຜົນປະໂຫຍດຂອງຈີນຖືກທຳລາຍ. ກ່ອນໜ້ານີ້ ຫຼີ່ ເຄີ່ ສຽງ ນາຍົກລັດຖະມົນຕີຈີນ ເຄີຍກ່າວເຕືອນສະຫະລັດແລ້ວວ່າ ຢ່າໃຊ້ອາລົມໃນເລື່ອງນະໂຍບາຍທາງການຄ້າລະຫວ່າງປະເທດ ແລະ ຄວນຫຼີກລ່ຽງການເຮັດສົງຄາມການຄ້າ.