ປະເດີມບາລະມີ ສີ ຈິ້ນຜິງ ບອກທຸກຕາລາງນິ້ວຂອງມາຕຸພູມຕ້ອງບໍ່ແບ່ງແຍກຈາກຈີນເດັດຂາດ

ວັນທີ່ 20 ມີນາ 2018 ເອເອຟພີລາຍງານວ່າ ປະທານາທິບໍດີ ສີ ຈິ້ນຜິງ ກ່າວສູນທໍລະພົດໃນການປະຊຸມສາມັນສະພາປະຊາຊົນແຫ່ງຊາດຫຼັງໄດ້ຮັບອຳນາດທີ່ແຂ່ງແກ່ງຂື້ນຈາກການທີ່ໄດ້ດຳລົງຕໍ່າແໜ່ງຜູ້ນຳຈີນຕະຫຼອດໄປ ເຊີ່ງໃຈຄວາມສຳຄັນໃນການກ່າວສ່ວນໜຶ່ງແມ່ນຢຳ້ເຖີງການປົກປ້ອງກຸສະໂລບາຍຈີນດຽວວ່າ ຈີນຈະບໍ່ຍອມໃຫ້ໃຜມາແຍກດິນແດນແມ່ນແຕ່ຕາລາງນິ້ວດຽວ ແລະ ພ້ອມຈະເຮັດສົງຄາມເສຍເລືອດເນື້ອເພື່ອເອົາຄືນຈຸດຢືນທີ່ຖືກຕ້ອງໃນໂລກ.

ວາທະດັ່ງກ່າວຖືກວິເຄາະວ່າເປັນການໂຕ້ຕອບກໍລະນີປະທານາທິບໍດີ ໂດໂນລ ທຣັມ ຜູ້ນຳສະຫະລັດ ລົງນາມໃນຄຳສັ່ງປ່ຽນຂໍ້ບັງຄັບທີ່ເຮັດໃຫ້ເຈົ້າໜ້າທີ່ລັດຖະບານລະດັບສູງຂອງສະຫະລັດສາມາດເດີນທາງໄປໄຕ້ຫວັນໄດ້ຢ່າງເປີດເຜີຍ.

“ ທຸກຕາລາງນິ້ວຂອງມາຕຸພູມທີ່ຍິ່ງໃຫຍ່ບໍ່ອາດ ແລະ ຕ້ອງບໍ່ແຍກຈາກຈີນເດັດຂາດ ການກະທຳໃດກໍ່ຕາມທີ່ຄິດຈະແບ່ງແຍກປະເທດຈະຕ້ອງລົ້ມເຫຼວ ແລະ ຖືກປະຊາຊົນປະນາມສາບແຊ່ງຢູ່ໃນປະຫວັດສາດ ຊາວຈີນມີຫົວໃຈບໍ່ຍອມແພ້ ແລະ ບໍ່ທໍ້ຖອຍ ພ້ອມເສຍສະລະເລືອດເນື້ອເພື່ອກຳຈັດສັດຕູໃຫ້ສິ້ນຊາກ” ສີ ຈິ້ນຜິງ ກ່າວຕໍ່ສະມາຊິກສະພາ 3000 ຄົນ ໃນສາລາມະຫາປະຊາຊົນກາງກຸງປັກກິ່ງ.