ເກົາຫຼີໃຕ້ກຽມສົ່ງ Red Velvet ຂື້ນໂຊທີ່ເກົາຫຼີເໜືອ ກະຊັບຄວາມສຳພັນ

ວັນທີ່ 20 ມີນາ ເວັບໄຊສ KoreaBoo ລາຍງານວ່າ ປະເທດເກົາຫຼີໃຕ້ກຽມຈະສົ່ງວົງນັກຮ້ອງສາວ Red Velvet ພ້ອມເຈົ້າໜ້າທີ່ອີກກວ່າ 160 ຄົນເດີນທາງໄປກຸງປຽງຢາງປະເທດເກົາຫຼີເໜືອລະຫວ່າງວັນທີ່ 31 ມີນາ ເຖີງ 4 ເມສາ ນີ້ເພື່ອໄປສະແດງຄອນເສີດເປັນການຕອບແທນທີ່ກ່ອນໜ້ານີ້ເກົາຫຼີເໜືອໄດ້ສົ່ງວົງດົນຕີມາຮ່ວມພິທີເປີດການແຂ່ງຂັນກິລາໂອແລັມປິກລະດູໜາວທີ່ເກົາຫຼີໃຕ້ ຖືເປັນຄັ້ງທຳອິດໃນຮອບ 10 ກວ່າປີທີ່ວົງດົນຕີຈາກເກົາຫຼີໃຕ້ ໄປສະແດງທີ່ເກົາຫຼີເໜືອ ຈາກທີ່ກ່ອນໜ້ານີ້ຄະນະຜູ້ແທນທັງສອງປະເທດໄດ້ມີການປະຊຸມຮ່ວມກັນເພື່ອພັດທະນາຄວາມສຳພັນໃຫ້ດີຂື້ນ ເຊີ່ງ ຄິມ ຈອງ ອືນ ກໍ່ໄດ້ເຂົ້າຮ່ວມປະຊຸມນຳດ້ວຍ.