“ສະຫະລັດ” ໂມໂຫທີ່ “ຣັດເຊຍ” ເນລະເທດເຈົ້າໜ້າທີທູດ 755 ຄົນ

ລັດທະບານວໍຊີງຕັນ ຜິດຫຫວັງຢ່າງໃຫຍ່ ຕໍ່ການກະທໍາຂອງປະທານາທິບໍດີຣັດເຊຍຕອບໂຕ້ມາດຕະການ ຄວໍ່າບາດ ດ້ວຍການເນລະເທດເຈົ້າໜ້າທີກນທູດຂອງສະຫະລັດ 755 ຄົນອອກນອກປະເທດພາຍໃນວັນທີ່ 1 ກັນຍາ ນີ້

ສໍານັກຂ່າວຕ່າງປະເທດລາຍງານຈາກກຸງວໍຊີງຕັນ ປະເທດສະຫະລັດອາເມຣິກາ ໃນວັນທີ່ 30 ກໍລະກົດ ວ່າກຊວາງການຕ່າງປະເທດສະຫະລັດສະແດງ “ຄວາມຜິດຫວັງຢ່າງຍິ່ງ” ແລະວິຈານວ່າຮັດເຊຍໃຊ້ມາດຕະການທີ ບໍສົມຄວນ ດ້ວຍການສັ່ງເຈົ້າໜ້າທີການທູດຂອງຕ່າງຊາດຫຼາຍທີ່ສຸດໃນປະຫວັດສາດຍຸກໃຫມ່ ໂດຍລັດທະບານວໍຊີງຕັນກໍາລັງປະເມີນຜົນກະທົບແລະຄວາມເສຍຫາຍທີ່ອາດຈະເກີດຂື້ນ ລວມເຖິງອາດມີມາດຕການຕອບໂຕ້ຕໍ່ເລື່ອງນີ້ໃຮອານາຄົດ

ເຖິງວ່າທາງການສະຫະລັດຍັງປະຕິເສດຢືນຢັນ”ຈໍານວນທີ່ແນ່ນອນ” ຂອງບຸກຄະລກອນດ້ານການທູດ ແຕ່ລາຍງານໃນປີ 2013 ລະບຸວ່າລັດຖະບານວໍຊີງຕັນມີເຈົ້າໜ້າທີ່ການທູດໃນຣັດເຊຍ 1,279 ຄົນ ຈາກໜ່ວຍງານໃນສັງກັດຂອງລັດຖະບານວໍຊີງຕັນ ກະຈາຍກັນເຮັດວຽກໃນສະຖານທູດປະຈໍາກຸງມົດສະກູແລະອີກ 3 ແຫ່ງໃນນະຄອນເຊນປີເຕີເບີກ,ເມືອງເຍຄາເທີເບີກ ແລະ ເມືອງວລາດີວໍສຕັອກ

ການທ່າທີດັ່ງກ່າວຂອງລັດຖະບານວໍຊີງຕັນມີຂື້ນຫຼັງປະທານາທິບໍດີ ດິວລາດີເມຍ ປູຕິນ ໃຫ້ສໍາພາດກັບສະຖານນີໂທລະພາບ ຣອສຊິຍາ-24 ໃນວັນອາທິດວ່າ “ເຈົ້າໜ້າທີ່ດ້ານການທູດຂອງສະຫະລັດ 755 ຄົນ ຕ້ອງຍຸດຕິການປະຕິບັດໜ້າທີ່ແລະເດີນທາງອອກຈາກລັດເຊຍ” ແລະການຟື້ນຟູຄວາມສໍາພັນຂອງສອງປະເທດ ”ບໍ່ໜ້າເກີດຂື້ນໃນອານາຄົດອັນໃກ້ນີ້” ຂະນະດຽວກັນຜູ້ນໍາລັດເຊຍກ່າວດ້ວຍວ່າ ລັດບາລມົດສະກູອາດຈໍາກັດພື້ນທີ່ປະຕິບັດການທູດຂອງສະຫະລັດອີກໃນອາຄົດ ແຕ່ຍັງຫວັງວ່າຈະບໍຕ້ອງກະທໍາແນວນັ້ນ

 ແຕ່ປູຕິນ ບໍໄດ້ກ່າວໃຊ້ປັດໃຈໃດໃນການຄໍານວນແລະຕັດສິນຂັບເຈົ້າໜ້າທີ່ການທູດຂອງສະຫະລັດຫຼາຍເຖິງ 755 ຄົນ ແຕ່ກ່າວພຽງວ່າ ຮອດເວລາທີ່ຕ້ອງສະແດງທ່າທີແລ້ວ

ກະຊວງການຕ່າງປະເທດຣັດເຊຍອອກຖະແຫຼງການໃນວັນສຸກທີ່ຜ່ານມາ ລະບຸວ່າຕ້ອງການໃຫ້ສະຫະລັດລົດຈໍານວນເຈົ້າໜ້າທີ່ການທູດໃນປະເທດໃຫ້ເຫຼືອ “ໃນຈໍນວນທີ່ເທົ່າກັນ”ກັບເຈົ້າໜ້າທີ່ການທູດຂອງຣັດເຊຍໃນສະຫະລັດຄື 455 ຄົນພາຍໃນວັນທີ 1 ກັນຍານີ້