ຈັບຕາຍ 3 ຄົນຮ້າຍຄາສານ ຄະດີຂ້າ 17 ສົບທີ່ປະເທດຣັດເຊຍ

3 ຈໍາເລີຍໃນຄະດີສັງຫານ 17 ສົບ ຖືກຂ້າຕາຍໃນລະຫວ່າງການຍິງຕໍ່ສູ້ກັນພາຍໃນສານທ້ອງຖິ່ນມົດສະກູປະເທດຣັດເຊຍ ຍ້ອນພະຍາຍາມຍາດປືນຕໍາຫຼວດແລະຫາທາງຫຼົບໜີ

ສໍານັກຂ່າວຕ່າງປະເທດລາຍງານຈາກກຸງມົດສະກູ່ປະເທດຣັດເຊຍໃນວັນທີ່ 1 ສິງຫາ ວ່າ ຕໍາຫຼວດທ້ອງຖິ່ນໃນກຸງມົດສະກູ່ຖະແຫຼງວ່າ ເກີດເຫດຍິງກັນພາຍໃນສານທ້ອງຖິ່ນມົດສະກູ່ໃນວັນອັງຄານທີ່ 1 ສິງຫາ ໂດຍຄົນຮ້າຍຜູ້ກໍ່ເຫດຄືຈໍາເລີຍ5 ຄົນ ໃນຄະດີສັງຫານ 17 ສົບຖືກນໍາຕົວໄປຂື້ນສານ.

ໃນລະຫວ່າງທີ່ຢູ່ໃນລິຟເພື່ອໄປສູ່ຫ້ອງພິຈາລະນາຄະດີໃນອາຄານຍຸດຕິທໍາສານ ຊອຟຍາ ຣູບາສສກາຍາ ທີ່ກຸງມົດສະກູ່ປະເທດຣັດເຊຍ ປະກົດວ່າ ຈໍາເລີຍທັງ 5 ຖືກໃສ່ກັບມື ໜຶ່ງໃນຄົນຮ້າຍໄດ້ທຳຮ້າຍແລະບີບຄໍຕໍາຫຼວດ ເພື່ອຫາທາງຫຼົບໜີ ເມືອລິຟຮອດຊັ້ນ 3 ຂອງອາຄານເຈົ້າໜ້າທີ່ໄດ້ເປີດສາກຍິຄົນຮ້າຍ ຜົນສຸດທ້າຍຈໍາເລີຍ 3 ຄົນເສຍຊີວິດແລະ 2 ຄົນບາດເຈັບ ສ່ວນທາງຕໍາຫຼວດເຈັບໜື່ງຄົນແລະຖືກນໍາສົ່ງໂຮງໝໍແລະນອກຈາກນັ້ນໜ່ວຍຮັກສາຄວາມປອດໄພຄຸ້ມກັນລົດຈໍເລີຍຍັງໄດ້ຮັບບາດເຈັບອີກດ້ວບ

ຈາກຄໍາບອກເລ່າຂອງພະຍານລະບຸວ່າໄດ້ຍິນສຽງປືນດັງກວ່າ 20 ນັດເຫັນເຈົ້າໜ້ທີ່ຍິງໄດ້ຮັບບາດເຈັບທີາບໍລິເວນໃບໜ້າແລະມີເລືອດອອກເຕັມໜ້າ ຫຼັງຈາກສຽງປືນສິ້ນສຸດລົງທຸກຄົນພາຍໃນສານກໍແລ່ນໜີເພື່ອຄວາມປອດໄພແລະຕ້ອງເລື່ອນການພິຈາລະນາຄະດີຂອງທຸກສານອອກໄປກ່ອນ

ຈໍາເລີຍໃນຄະດີນີ້ຖືກສົ່ງຟ້ອງແຕ່ປີ 2016 ເຊິ່ງກ່ຽວພັນກັບເຫດການຂັບລົດໄປຍິງຕາມທ້ອງຖະໜົນ ຈື່ງໄດ້ຊື່ຕາມທີ່ສື່ມວນຊົນຕັ້ງວ່າ “Grand Theft Auto” ປານວີດີໂອເກມ