ຊີ້ນໝູໃນນະຄອນຫລວງວຽງຈັນ ປັບລາຄາຫລຸດລົງ
ພະແນກອຸດສາຫະກຳ ແລະ ການຄ້າ ນະຄອນຫລວງວຽງຈັນ, ໄດ້ອອກແຈ້ງການເຖິງຜູ້ດຳເນີນທຸລະກິດການຜະລິດ
ຜູ້ຊື້-ຜູ້ຂາຍຊີ້ນໝູ ໃຫ້ປະຕິບັດລາຄາຂາຍຍົກ-ຂາຍຍ່ອຍຊີ້ນໝູດັ່ງນີ້:
ລາຄາໝູເປັນໜ້າຟາມ ຊື້-ຂາຍ ບໍ່ໃຫ້ເກີນ 18 ພັນກີບ/ກິໂລ
ລາຄາຂາຍຍົກໝູທັງຕົວທີ່ໄດ້ຂ້າຄົວ ແລະ ຊຳ
ແຫລະເປັນຊີ້ນລວມຂາຍສູງສຸດບໍ່ໃຫ້ເກີນ 21 ພັນກີບ/ກິໂລ
ລາຄານີ້ແມ່ນລາຄານາຍຮ້ອຍສົ່ງໃຫ້ລູກຂຽງຮອດຕະຫລາດ.
ສຳລັບລາຄາຂາຍຍ່ອຍຂອງລູກຂຽງ ໃຫ້ຜູ້ບໍລິໂພກຢູ່ຕະຫລາດ: ຊີ້ນໝູປະເພດໜຶ່ງ
(ຊີ້ນກ້ອນ ດູກຂ້າງ ຊີ້ນສາມຊັ້ນ) ສູງສຸດ 33 ພັນກີບ/ກິໂລ ແລະ ຊີ້ນໝູປະເພດສອງ
ລາຄາສູງສຸດບໍ່ໃຫ້ເກີນ 30 ພັນກີບ/ກິໂລ. ໃນຂະນະທີ່ກ່ອນໜ້ານີ້
ຊີ້ນໝູປະເພດ 1 ຢູ່ໃນລາຄາ 35-40 ພັນກີບ/ກິໂລ.
ການອອກແຈ້ງການສະບັບນີ້, ໂດຍອີງຕາມດຳລັດ ວ່າດ້ວຍການຄຸ້ມຄອງລາຄາສິນຄ້າ ແລະ ຄ່າບໍລິການ, ອີງຕາມຄຳເຫັນດີເປັນເອກະພາບ ຂອງກອງປະຊຸມ ກ່ຽວກັບລາຄາຂາຍຍົກ-ຂາຍຍ່ອຍຊີ້ນໝູ ແລະ ແຈ້ງການຂອງກະຊວງອຸດສາຫະກຳ ແລະ ການຄ້າ ວ່າດ້ວຍການກຳນົດໂຄງປະກອບລາຄາສິນຄ້າ ຄວບຄຸມ ເພື່ອກຳນົດລາຄາຂາຍຍົກ-ຂາຍຍ່ອຍ. ເພື່ອແນໃສ່ຊຸກຍູ້ສົ່ງເສີມຜູ້ດຳເນີນທຸລະກິດການຜະລິດ ຜູ້ຊື້-ຜູ້ຂາຍ ແລະ ເປັນການປົກປ້ອງສິດຜົນປະໂຫຍດຜູ້ຊົມໃຊ້ ໃຫ້ມີຄວາມຍຸຕິທຳ ບົນພື້ນຖານກົນໄກຕະຫລາດ ຫລີກລ້ຽງການເອົາລັດເອົາປຽບກັນ ລະຫວ່າງຜູ້ຊື້ ແລະ ຜູ້ຂາຍ ທັງຮັບປະກັນໃຫ້ສັງຄົມມີຄວາມສະຫງົບ.
ພະແນກອຸດສາຫະກຳ ແລະ ການຄ້າ ນະຄອນຫລວງວຽງຈັນ, ຈຶ່ງໄດ້ແຈ້ງໃຫ້ບັນດາຫົວໜ້າ ຫ້ອງການອຸດສາຫະກຳ ແລະ ການຄ້າ 9 ຕົວເມືອງ, ຫົວໜ່ວຍທຸລະກິດຈັດສັນຕະຫລາດ, ລວມທັງ ບັນ ດາຟາມລ້ຽງໝູ (ຜູ້ຜະລິດໝູ) ຜູ້ປະກອບການທຸລະກິດຊື້ສັດ-ຂາຍຊີ້ນ (ນາຍຮ້ອຍ) ຜູ້ຈຳໜ່າຍຊີ້ນໝູ (ລູກຂຽງ) ຕາມຮ້ານຄ້າແຜງລອຍໃນຕະຫລາດ ຢູ່ນະຄອນຫລວງວຽງຈັນ ເພື່ອຊາບ ແລະ ຈັດຕັ້ງປະຕິບັດຕາມເນື້ອໃນແຈ້ງການນີ້ໃຫ້ມີປະສິດທິຜົນ.
ຂ່າວ:ຣາຊະວົງ
ການອອກແຈ້ງການສະບັບນີ້, ໂດຍອີງຕາມດຳລັດ ວ່າດ້ວຍການຄຸ້ມຄອງລາຄາສິນຄ້າ ແລະ ຄ່າບໍລິການ, ອີງຕາມຄຳເຫັນດີເປັນເອກະພາບ ຂອງກອງປະຊຸມ ກ່ຽວກັບລາຄາຂາຍຍົກ-ຂາຍຍ່ອຍຊີ້ນໝູ ແລະ ແຈ້ງການຂອງກະຊວງອຸດສາຫະກຳ ແລະ ການຄ້າ ວ່າດ້ວຍການກຳນົດໂຄງປະກອບລາຄາສິນຄ້າ ຄວບຄຸມ ເພື່ອກຳນົດລາຄາຂາຍຍົກ-ຂາຍຍ່ອຍ. ເພື່ອແນໃສ່ຊຸກຍູ້ສົ່ງເສີມຜູ້ດຳເນີນທຸລະກິດການຜະລິດ ຜູ້ຊື້-ຜູ້ຂາຍ ແລະ ເປັນການປົກປ້ອງສິດຜົນປະໂຫຍດຜູ້ຊົມໃຊ້ ໃຫ້ມີຄວາມຍຸຕິທຳ ບົນພື້ນຖານກົນໄກຕະຫລາດ ຫລີກລ້ຽງການເອົາລັດເອົາປຽບກັນ ລະຫວ່າງຜູ້ຊື້ ແລະ ຜູ້ຂາຍ ທັງຮັບປະກັນໃຫ້ສັງຄົມມີຄວາມສະຫງົບ.
ພະແນກອຸດສາຫະກຳ ແລະ ການຄ້າ ນະຄອນຫລວງວຽງຈັນ, ຈຶ່ງໄດ້ແຈ້ງໃຫ້ບັນດາຫົວໜ້າ ຫ້ອງການອຸດສາຫະກຳ ແລະ ການຄ້າ 9 ຕົວເມືອງ, ຫົວໜ່ວຍທຸລະກິດຈັດສັນຕະຫລາດ, ລວມທັງ ບັນ ດາຟາມລ້ຽງໝູ (ຜູ້ຜະລິດໝູ) ຜູ້ປະກອບການທຸລະກິດຊື້ສັດ-ຂາຍຊີ້ນ (ນາຍຮ້ອຍ) ຜູ້ຈຳໜ່າຍຊີ້ນໝູ (ລູກຂຽງ) ຕາມຮ້ານຄ້າແຜງລອຍໃນຕະຫລາດ ຢູ່ນະຄອນຫລວງວຽງຈັນ ເພື່ອຊາບ ແລະ ຈັດຕັ້ງປະຕິບັດຕາມເນື້ອໃນແຈ້ງການນີ້ໃຫ້ມີປະສິດທິຜົນ.
ຂ່າວ:ຣາຊະວົງ
Post a Comment