ຕຸລະກີຕົກລົງຊື້ຂີປະນາວຸດຈາກຣັດເຊຍ

ສໍານັກຂ່າວຕ່າງປະເທດລາຍງານຈາກກຸງອັງກາຣາ ປະເທດຕຸລະກີ ໃນວັນທີ່ 12 ກັນຍາ

ໜັງສືພິມລາຍວັນເຮີຣິເຢດລວມທັງໜັງສືພິມສະບັບອື່ນໆຂອງຕຸລະກີລາຍງານການເປີດເຜີຍຂອງປະທານາທິບໍດີເຣເຊບ ເທຢິບ ເອີຣ໌ໂດກັນ ແຫ່ງຕຸລະກີວ່າ ຕຸລະກີໄດ້ລົງນາມໃນຂໍ້ຕົກລົງຂໍຊື້ລະບົບປ້ອງກັນຂີປະນາວຸດເອສ-400 ຈາກຣັດເຊຍ ຖືເປັນການຂາຍອາວຸດຄັ້ງສໍາຄັນຂອງຣັດເຊຍແລະຍັງເປັນການສ້າງຂໍ້ຕົກລົງຊື້-ຂາຍຂີປະນາວຸດຈາກພື້ນສູ່ອາກາດຄັ້ງສໍາຄັນຂອງຕຸລະກີກັບປະເທດນອກກຸ່ມນາໂຕ່(ອົງການສົນທິສັນຍາແອັດແລນຕິກເໜືອ)

ປະທານາທິບໍດີເຣເຊບ ເທຢິບ ເອີຣ໌ໂດກັນ

ປະທານາທິບໍດີເຣເຊບ ເທຢິບ ເອີຣ໌ໂດກັນ ກ່າວວ່າມີການລົງນາມຊື້ຂາຍອາວຸດຈາກຣັດເຊຍແລະຈ່າຍເງິນມັດຈໍາໄປແລ້ວເຊິ່ງປະທານາທິບໍດີປູຕິນແລະຕົວທ່ານເອງກໍຢືນຢັນໃນເລື່ອງການຊື້ຂາຍອາວຸດນີ້

ການຊື້ຂາຍອາວຸດຈາກປະເທດນອກກຸ່ມນາໂຕສ້າງຄວາມວິຕົກກັງວົນໃຫ້ກັບປະເທດຕາເວັນຕົກເພາະອາດຈະມີການປຽບທຽບອາວຸດທີ່ພັນທະມິດນາໂຕ່ມີຢູ່ ໂດຍສະເພາະກະຊວງປ້ອງກັນປະເທດສະຫະລັດເຄີຍກ່າວເຕືອນໃຫ້ລະວັງຈາກການຊື້ອາວຸດຈາກປະເທດນອກກຸ່ມນາໂຕ່ ແຕ່ກະຍອມຮັບໂດຍກົງວ່າ ອາດເປັນແນວຄິດທີ່ດີສໍາລັບພັນທະມິດນາໂຕ່ທີ່ໄດ້ໄປຊື້ອາວຸດທີ່ສາມາດໃ້ງານໄດ້ຢ່າງກວ້າງຂວາງ ຂະນະທີ່ປະທານາທິບໍດີເຣເຊບ ເທຢິບ ເອີຣ໌ໂດກັນ ມີອິດສະຫຼະທ່ຈະໄປຊື້ອາວຸດທາງທະຫານ ຂື້ນຢູ່ກັບຄວາມຈໍາເປັນໃນການໃຊ້ອາວຸດເພື່ອປ້ອງກັນປະເທດ

ດ້ານລັດຖະບານຣັດເຊຍຢືນຢັນເລື່ອງການຊື້ອາວຸດເອສ-400 ໂດຍ ສະຫາຍ ວລາເມຍ ໂຄຊິນ ທີ່ປຶກສາຝ່າຍຄວາມຮ່ວມມືທາງທະຫານແລະເທັກນິກຂອງປະທານາທິບໍດີຣັດເຊຍກ່າວວ່າ ມີການລົງນາມຊື້ຂາຍອາວຸດໄປແລ້ວແລະຂີປະນາວຸດເອສ-400 ກໍເປັນໜື່ງໃນລະບົບອາວຸດທີ່ຊັບຊ້ອນທີ່ສຸດເພາະໃຊ້ອຸປະກອນດ້ານເທັກນິກຫຼາຍຢ່າງ