ໂສມແດງກ້າວຂູ່ສະຫະລັດກຽມພົບກັບຄວາມເຈັບປວດທີ່ສຸດ

ລັດຖະບານປຽງຢາງປະຕິເສດມາດຕະການຄວໍ່າບາດຄັ້ງໃໝ່ຂອງຢູເອັນ ທີ່ຄວໍ່າບາດອຸດສາຫະກໍາສິ່ງທໍຂອງເກົາຫຼີເໜືອແລະເຕືອນສະຫະລັດທີ່ເປັນຜູ້ສະເໜີມະຕິກຽມພົບກັບຄວາມເຈັບປວດຄັ້ງຍິ່ງໃຫຍ່ທີ່ສຸດ

ສໍານັກຂ່າວຕ່າງປະເທດລາຍງານຈາກນະຄອນເຈນາວີ ປະເທດສວິດເຊີແລນໃນວັນທີ່ 12 ກັນຍາສະຫາຍ ຮັນ ແທ-ຊອງ ເອກອັດຄະລາຊະທູດເກົາຫຼີເໜືອປະຈໍາຢູເອັນປະຈໍາຢູເອັນ(ຢູເອັນ) ກ່າວລະຫວ່າງການເຂົ້າຮ່ວມການປະຊຸມລະດັບນາໆຊາດວ່າດ້ວຍການປົດອາວຸດນິວເຄຣຍ ທີ່ນະຄອນເຈນາວີວ່າລັດຖະບານວໍຊີງຕັນກໍາລັງເລັ່ງໃຫ້ການພະເຊີນໜ້າທາງການເມືອງ ເສດຖະກິດແລະການທະຫານ ດ້ວຍການໝົກໝຸ່ນກັບການຫາທາງໃຊ້ມາດຕະການອັນປ່າເຖື່ອນ ເພື່ອຫວັງຢັບຢັ້ງໂຄງການພັດທະນານິວເຄຣຍຂອງເກົາຫຼີເໜືອທີ່ໄດ້ຮັບການພັດທະນາແລ້ວ

ສະຫາຍ ຮັນ ກ່າວດ້ວຍວ່າມາດຕະການການຕອບໂຈ້ຂອງເກົາຫຼີເໜືອຕໍ່ລັດຖະບານວໍຊີງຕັນໃນອານາຄົດ ທີ່ຈະເຮັດໃຫ້ສະຫະລັດຕ້ອງພົບກັບຄວາມເຈັບປວດຄັ້ງຍິ່ງໃຫຍ່ໃນແບບທີ່ສະຫະລັດບໍ່ເຄີຍປະສົບມາກ່ອນ  ໂດຍບໍ່ໄດ້ກ່າວຂະຫຍາຍຄວາມອີກ ໃນຂະນະນັ້ນລັດຖະບານປຽງຢາງເຄີຍອ້າງວ່າການທົດສອບລະເບີດນິວເຄຣຍຄັ້ງທີ6 ໃນວັນທີ່ 3 ກັນຍາ ທີ່ຜ່ານມາເປັນລະເບີດໄຮໂດຣເຈນແລະສາມາດນໍາໄປຕິດຕັ້ງກັບຫົວລົບຂອງຂີປານາວຸດຂ້າມທະວີບໃນອານາຄົດອັນໃກ້ໆນີ້

ແນວໃກດໍ່ຕາມຮ່າງມະຕິດັ່ງກ່າວຜ່ອນຫຼຸດລົງມາເປັນມາດຕະການຄວບຄຸມການນໍາເຂົ້ານໍ້າມັນດິບແລະຜະລິດຕະພັນປີໂຕລ່ຽມຂອງເກົາຫຼີເໜືອ ຈາກເດີມທີ່ສະຫະລັດຕ້ອງການໃຫ້ເປັນການຫ້າມນໍາເຂົ້ານໍ້າມັນດິບຂອງລັດຖະບານປຽງຢາງໃຫ້ຢູ່ໃນລະດັບເທົ່າກັບ 12 ເດືອນທີ່ຜ່ານມາແລະຈໍາກັດການນໍາເຂົ້າຜະລິດຕະພັນປີໂຕລ່ຽມບໍ່ເກີນ 2 ລ້ານບາຣ໌ເຣວຕໍ່ປີ ຂະນະດຽວກັນສະຫະລັດຍິນຍອມຕາມຄວາມຕ້ອງການຂອງຈີນແລະຣັດເຊຍ ດ້ວຍການຖອນຂໍ້ຮຽກຮ້ອງໃຫ້ຢູເອັນເອສຊີອາຍັດຊັບສິນຂອງ ຄິມ ຈອງ-ອຶນຜູ້ນໍາສູງສຸດຂອງເກົາຫຼີເໜືອ ການຂື້ນບັນຊີດໍາຂອງສາຍການບິນແອຣ໌ໂຄຢໍແລະເຈົ້າໜ້າທີ່ລະດັບສູງອີກຫຼາຍຄົນຂອງເກົາຫຼີເໜືອ

ຄລິບປະກອບ: