ເກົາຫຼີເໜືອ ປະທ້ວງ ອາເມຣິກາ ສົ່ງເຮືອບັນທຸກເຮືອບິນເຂົ້າສູ່ແຫຼມເກົາຫຼີ3ລໍາ

ສໍານັກຂ່າວຕ່າງປະເທດ ລາຍງານຈາກນິວຢອກ ປະເທດສະຫະລັດອາເມຣິກາ ໃນວັນທີ່ 13 ພະຈິກວ່າທ່ານ ຈາ ຊອງ-ນໍາ ເອກອັກຄະລາຊະທູດ ເກົາຫຼີເໜືອປະຈໍາສະຫະປະຊາຊາດ (ຢູເອັນ) ຍື່ນໜັງສືເຖິງທ່ານ ອັນໂຕນີໂອ ກູເຕຣ໌ເຣສ ເລຂານຸການຂອງຢູເອັນ ສະແດງຄວາມບໍ່ພໍໃຈຕໍ່ກອງທັບເຮືອສະຫະລັດທີ່ສົ່ງເຮືອບັນທຸກເຮືອເຂົ້າສູແຫຼມເກົາຫຼີພ້ອມກັນ 3 ລໍາ ເປັນຄັ້ງທໍາອິດ ນັບຕັ້ງແຕ່ປີ 2007 ຄື ຢູເອສເອສ ໂຣນັລ ເຣແກນ, ຢູເອສເອສ ນິມິຊ໌ແລະ ຢູເອສເອສ ທີໂອດໍຣ໌ ຣູສເວລຕ໌ ວ່າສົ່ງຜົນໃຫ້ສະຖານະການໃນແຫຼມເກົາຫຼີຕຶງຄຽດຂື້ນເຖິງລະດັບທີຍາກເກີນຄາດເດົາຫຼາຍຂື້ນ ວ່າສົງຄາມນິວເຄຣຍຈະເກີດຂື້ນຕອນໃດ.

ພາຍໃນເນື້ອໃນຈົດໝາຍຂອງເອກອັກຄະລາຊະທູດເກົາຫຼີເໜືອຍັງບອກອີກວ່າ: ເຮືອບິນຖີ້ມລະເບີດທາງຍຸດທະສາດ ບີ-52 ບົນວົນວຽນໃນເຂດນ່ານນໍ້າເກົາຫຼີຕະຫຼອດ 24 ຊົ່ວໂມງ ຕັ້ງແຕ່ອາທິດທີ່ແລ້ວ ຮ່ວດ້ວຍເຮືອບິນ ບ-1ບີແລະ ບີ-2 ທີ່ວົນວຽນໃນເຂດນ່ານນໍ້າເກົາຫຼີເປັນປະຈໍາ ໂດຍຍຸດທະສາດຂອງກອງທັບາະຫະລັດ ລ້ວນແຕ່ຢູ່ໃນຕໍ່າແໜ່ງພ້ອມເປີດສາກໂຈມຕີ ຍິ່ງສະທ້ອນໃຫ້ເຫັນເຖິງເຈດຕະນາຂົ່ມຂູ່ໄພຄຸກຄາມຢ່າງຮ້າຍແຮງ ແຕ່ຄະນະມົນຕີຄວາມໝັ້ນຄົງ ຢູເອັນເອສຊີ ກັບຍັງເສີຍຢູ່.