ນາງງາມອິນໂດເນເຊຍ ຄວ້າມຸງກຸດ Miss International 2017 ທີ່ກຸງໂຕກຽວ ຍີ່ປຸ່ນ.

AFP ລາຍງານວ່າ ເຄວິນ ລິນເລຍນາ ນາງງາມອິນໂດເນເຊຍຄວ້າມຸງກຸດ Miss International 2017 ເຊີ່ງມີຜູ້ເຂົ້າແຂ່ງຂັນຈາກ 72 ປະເທດ ລວມທັງ ນ. ພູນຊັບ ພົນໂຍທາ ຫຼື ມິມີ່ ຕົວແທນຈາກປະເທດລາວ ທີ່ສາມາດເຂົ້າໄປເຖີງຮອບ 10 ຄົນສຸດທ້າຍໃນງານຄັ້ງນີ້ ເຊີ່ງຈັດຂື້ນເປັນຄັ້ງທີ່ 57 ທີ່ໂຕກຽວ ໂດມ ຊິຕີ່ ຮໍ ໃນກຸງໂຕກຽວ ປະເທດຍີ່ປຸ່ນ.

ສຳລັບຮອງອັບດັບ 1 ໄດ້ແກ່ ນາງງາມຈາກຄູລາເຊົາ, ຮອງອັນດັບ 2 ນາງງາມຈາກ ເວເນຊູເອລ່າ, ຮອງອັນດັບ 3 ນາງງາມອັອສເຕເລຍ ແລະ ຮອງອັນດັບ 4 ນາງງາມຍີ່ປຸ່ນ ເຊີ່ງຍັງໄດ້ລາງວັນຊະນະເລີດຊຸດແຕ່ງກາຍປະຈຳຊາດ ສ່ວນລາງວັນຫຸ່ນສວຍງາມໄດ້ສັດສ່ວນທີ່ສຸດໄດ້ແກ່ ນາງງາມອັອສເຕເລຍ.

ຈາກຊ້າຍໄປຂວາ ນາງງາມອັອສເຕເລຍ ນາງງາມຄູລາເຊົາ ນາງງາມ ອິນໂດເນເຊຍ ນາງງາມ ເວເນຊູເອລ່າ ນາງງາມຍີ່ປຸ່ນ..