ສະຫະລັດ ກຽມສົ່ງທູດພິເສດດ້ານເກົາຫຼີເໜືອຢາມໄທ

ໃນວັນທີ່ 9 ທັນວາ 2017 ສໍານັກຂ່າວຕ່າງປະເທດລາຍງານວ່າ ກະຊວງຕ່າງປະເທດສະຫະລັດ ໄດ້ມີການອອກຖະແຫຼງການເລື່ອງສົ່ງ ທ່ານ ນາໂຈເຊຟ ຢຸນ ທູດພິເສດດ້ານນະໂຍບາຍເກົາຫຼີເໜືອ ຈະເດີນທາງໄປປະເທດຍີ່ປຸ່ນແລະປະເທດໄທຍ ລະຫວ່າງວັນທີ່ 11-15 ທັນວາ 2017 ນີ້ ເພື່ອຫາລືກັບເຈົ້າໜ້າລະດັບສູງໃນລັດຖະບານທັງສອງປະເທດ ເຖິງແນວທາງການຍົກລະດັບມາດຕະຖານການກົດດັນເກົາຫຼີເໜືອ ຫຼັງຈາກທີ່ ຄິມ ຈອງ-ອຶນ ຜູ້ນໍາເກົາຫຼີເໜືອໄດ້ທົດສອບຍິງຂີປະນາວຸດລຸ່ນໃໝ່ ຮວາຊອງ-15 ໄປຕົກໃນນ່ານນໍ້າເຂດເສດຖະກິດພິເສດຂອງທະເລຍີ່ປຸ່ນ ໃນວັນທີ່ 29 ພະຈິດ ທີ່ຜ່ານມາ

ໃນຖະແຫຼງການຍັງລະບຸອີກວ່າ ທາງສະຫະລັດຫວັງເປັນຢ່າງຍິ່ງທີ່ຈະໄດ້ຮັບຄວາມຮ່ວມມືໃນການຍົກລະດັບການເປັນພັນທະມິດດ້ານນະໂຍບາຍເກົາຫຼີເໜືອກັບທັງ  2 ປະເທດ ເພື່ອນໍາໄປສູ່ການຢຸດໂຄງການນິວເຄຣຍຂອງ ຄິມ ຈອງ-ອຶນ

ນອກຈາກນີ້ຍັງມີລາຍງານອີກວ່າ ທ່ານ ເຈຟຟຣີຍ໌ ເຟລທ໌ແມນ ຮອງເລຂາທິການສະຫະປະຊາຊາດ ດ້ານກິດຈະການການເມືອງ ໄດ້ມີການເດີນທາງໄປເກົາຫຼີເໜືອເປັນເວລາ 4 ວັນຕັ້ງແຕ່ວັນທີ່ 5 ທັນວາ ທີ່ຜ່ານມາ ເຊິງການເດີນທາງຄັ້ງນີ້ຖືວ່າເປັນການເດີນທາງເທືາອທໍາອິດໃນຮອບ 7 ປີ ທີ່ໄປຢາມເກົາຫຼີເໜືອຢ່າງເປັນທາງການຕາມຄໍາເຊີນຂອງລັດຖະບານ ແຕ່ບໍ່ໄດ້ລະບຸຊັດເຈນວ່າໄດ້ພົບກັບຄິມ ຈອງ-ອຶນຫຼືບໍ