ອີຣັກ ປະກາດໄຊຊະນະຄັ້ງຍິ່ງໃຫຍ່ ຫຼັງຈາກຕໍ່ສູ້ຂັບໄລ່ ໄອເອສ ໃຫ້ພົ້ນປະເທດສໍາເລັດ

ໃນວັນທີ 10 ທັນວາ 2017 ສໍານັກຂ່າວຕ່າງປະເທດລາຍງານວ່າ ທ່ານ ໄຮເດີ ອັລອບາດີ ຍາຍົກລັກຖະມົນອີລັກ ຖະແຫຼງຂ່າວປະກາດໄຊຊະນະເໜືອກອງກໍາລັງລັກອິດສະລາມ(ໄອເອສ) ຫຼັງຈາກທີ່ຕໍ່ສູ້ກັນມາດົນນານເປັນເວລາ 3 ປີ ກອງກໍາລັງທະຫານຂອງອີຣັກ ສາມາດຄວບຄຸມພື້ນທີ່ຊາຍແດນຂອງອີຣັກທີ່ຕິດກັບຊີເຣຍໄວ້ໄດ້ແລ້ວ ດັ່ງນັ້ນຈຶ່ງຂໍປະກາດຢຸດສົງຄາມກັບໄອເອສ

ໂດຍ  ທ່ານ ໄຮເດີ ອັລອບາດີ ນາຍົກລັດຖະມົນຕີອີຣກໄດ້ປະກາດວ່າ “ສັດຕູໄດ້ສັງຫານພົນລະເມືອງຂອງປະເທດເຮົາ ແຕ່ໃນທີ່ສຸດກອງກໍາລັງທະຫານຂອງເຮົາຄວບຄຸມພົມແດນອີຣັກ-ຊີເຣຍໄດ້ຢ່າງສົມບູນຈົນໄດ້ຮັບໄຊຊະນະມາ ດັ່ງນັ້ນຂ້ອຍຂໍປະກາດຢຸດສົງຄາມຕ້ານໄອເອສ”

ນາຍທະຫານລະດັບສູງຂອງອີຣັກກ່າວວ່າ ໄອເອສເຄີຍຢຶດພື້ນທີ່ຂະໜາດໃຫຍ່ທາງພາກເໜືອແລະຕາເວັນຕົກຂອງກຸງແບກແດ ຄວບຄວມໄລຍະທາງ 435 ກມ ໃນປີ2014 ສ້າງຄວາມເສຍຫາຍໃຫ້ກັບປະເທດອີຣັກຢ່າງຫຼວງຫຼາຍ ຈົນ ຢາຕໍລເລາະຫ໌ ອາລີ ຊິສຕານີ ຜູ້ນໍາຈິດວິນຍານຂອງອີຣັກ ຮຽກຮ້ອງໃຫ້ລະດົມກໍາລັງຄົນ ຕອບໂຕ້ໄອເອສໂດຍການຕັ້ງໜ່ວຍທະຫານ ຮາເຊດ ອັລຊາອະບີ ຂື້ນມາແລະໄດ້ຮັບການສະໜັບສະໜູນຈາກກອງກໍາລັງປະສົມພັນທະມິດທີ່ນໍາໂດຍສະຫະລັດອາເມຣິກາຕໍ່ສູ້ຢືດຄືນຈາກໄອເອສໄດ້ສໍາເລັດ