ຊີ້ເປົ້າຜິດ! ນັກບິນສະຫະລັດສັງຫານຕໍາຫຼວດອີຣັກ 8 ສົບ

ສໍານັກຂ່າວຕ່າງປະເທດລາຍງານຈາກກຸງແບກແດກປະເທດອີຣັກໃນວັນທີ່ 27 ມັງກອນວ່າ ເຈົ້າໜ້າທີ່ທາງການຂອງອີຣັກ ເຊິ່ງບໍ່ຂໍເປີດເຜີຍຊື່ ກ່າວວ່າຊາວອີຣັກ 8 ຄົນ ປະກອບດ້ວຍເຈົ້າໜ້າຂ່າວກອງລະດັບສູງ 1 ຄົນ ຕໍາຫຼວດອີກ 6 ສະຫາຍ ແລະຜຜູ້ຍິງອີກຄົນ 1 ເສຍ ຊີວິດ ແລະອີກປະມານ 20 ຄົນບາດເຈັບ ການໂຈມຕີອາກາດຂອງເຮືອບິນສະຫະລັດ ໃນເຂດເມືອງອັລ-ບັກຫ໌ດາດີ ໃນພູເຂົາຢູເຟຣຕິສ ທາງພາກຕາເວັນຕົກ ໂດຍການກວດສອບເບື້ອງຕົ້ນອາດຈະເປັນການເຂົ້າໃຈຜິດ

ກຸມຜູ້ເສຍຊີວິດກໍາລັງເດີນທາງໃນຂະບວນລົດກະບະ ມຸ່ງໜ້າໄປສະໜັບສະໜູນປະຕິບັດການກວດລ້າງກຸ່ມນັກຮົບໄອເອສໃນພື້ນທີ່ ການໂຈມຕີທໍາລາຍລົດໃນຂະບວນເກືອບທຸກຄັນ ຜູ້ໄດ້ຮັບບາດເຈັບລວມເຖິງຫົວໜ້າສະຖານນີຕາຫຼວດໃນເມືອງອັລ-ບັກຫ໌ດາດີ ເຊິາງອາການສາຫັດ

ສູນບັນຊາການປະຕິບັດຮ່ວມ ຂອງອີຣັກເຊິ່ງປະສານງານປະຕິບັດການໂຈມຕີກຸ່ມໄອເອສ ກ່າວວ່າ ໄດ້ສັ່ງການໃຫ້ໜ່ວຍຄອມມານໂດບຸກກວດຄົ້ນສະຖານທີ່ຕ້ອງສົງໄສທີຫຼົບລີ້ຂອງນັກຮົບໄອເອສໃນເມືອງ ອັລ-ບັກຫ6ດາດີຫຼັງຈາກໄດ້ຮັບຂໍ້ມູນເບາະແສຈາກໜ່ວຍຂ່າວກອງວ່າ ມີການປະຊຸມວາງແຜນຂອງກຸ່ມກໍ່ການຮ້າຍ ນໍາໂດຍທ້າວ ອັລ-ຊາມາຣ໌ມັດ ແລະໄດ້ມີການຂໍກໍາລັງສະໜັບສະໜູນທາງອາກາດ ຈາກກອງທັບພັນທະມິດນາໆຊາດ