ຜູ້ອໍານວຍການ ຊີໄອເອເຜີຍ ສະຫະລັດຢ້ານຈີນ ຫຼາຍກວ່າ ຣັດເຊຍ ທີມີເທັກນິກຈາລະກໍາຂໍ້ມູນສູງ
ໃນວັນທີ່ 30
ມັງກອນ ທ່ານ ໄມກ໌ ພອມເພໂອ ຜູ້ອໍານວຍການອົງການຈັດຕັ້ງທາງການເມືອງສູນກາງຂອງສະຫະລັດອາເມຣິກາຫຼືຊີໄອເອໃຫ້ສໍາພາດພິເສດກັບລາຍການສໍານັກຂ່າວ
ບີບີຊີ ວ່າ “ຄວາມພະຍາຍາມແຜ່ອິດທິພົນຂອງຈີນເຂົ້າມາໃນຊາດຕະເວັນຕົກ
ເປັນສິ່ງທີ່ສະຫະລັດກັງວົນຫຼາຍກວ່າຣັດເຊຍ ເພາະວ່າຈີນມີແສນຍານຸພາບການເຮັດສົງຄາມ ຈາລະກໍາຂໍ້ມູນສູງກວ່າຣັດເຊຍ”
ແລະຍັງໄດ້ກ່າວອີກວ່າ:”ທ່ານລອງຄິດເບິ່ງຂະໜາດເສດຖະກິດຂອງສອງປະເທດ
ຈີນມີຮອຍຕີນທີ່ໃຫຍ່ກວ່າຫຼາຍທີ່ຈະຜະເດັດເສິກໃນພາລະກິດໄດ້ຫຼາຍກວ່າຣັດເຊຍ
ເຮັດໃຫ້ພວກເຮົາຈັບຕາຄວາມເຄື່ອນໄຫວທີ່ຈະລັກເອົາຂໍ້ມູນຂອງຊາວອາເມຣິກາ ການສົ່ງສາຍລັບເຂົ້າມາແຊກຊືມໃນສະຫະລັດອາເມຣິກາ
ດ້ວຍຄົນທີ່ເຮັດວຽກເພື່ອລັດຖະບານຈີນແລະຕໍ່ຕ້ານອາເມຣິກາ”
“ເຮົາຈະເຫັນໄທັງໃນໂຮງຮຽນຂອງເຮົາ
ໃນໂຮງໝໍ ໃນລະບົບການແພດ ເຮົາຈະເຫັນໄປໝົດທຸກວົງການໃນອາເມຣິກາ
ແລະຍັງເຫັນໃນພື້ນທີ່ສ່ວນອື່ນໆຂອງໂລກ ທັງໃນຢູໂຣບແລະອັງກິດ. ”
ສ່ວນກໍລະນີຣັດເຊຍ
ທ່ານ ໄມກ໌ ພອມເພໂອ ກ່າວວ່າ ພຶດຕິກໍາພະຍາຍາມແຊກແຊງ
ການເມືອງໃນສະຫະລັດຍັງບໍ່ຫຼຸດລົງແລະເຊື່ອວ່າຈະພະຍາຍາມແຊກແຊງການເລືອກຕັ້ງກາງປີຂອງສະຫະລັດທີຈະມີຂື້ນໃນປີນີ້ອີກດ້ວຍ
ແຕ່ສະຫະລັດໝັ້ນໃຈວ່າຈະສາມາດດໍາເນີນມາດຕະການຕອບໂຕ້ທີ່ຈະເຮັດໃຫ້ຄວາມພະຍາຍາມແຊກແຊງດັ່ງກ່າວບໍ່ສົງຜົນກະທົບຫຼາຍ
ເຮັດໃຫ້ການເລືອກຕັ້ງຂອງສະຫະລັດເປັນໄປຢ່າງຍຸຕິທໍາແລະໂປ່ງໃສ
ຄລິບ:
Post a Comment