ຈີນເປີດຕົວ ລົດໄຟລາງແຂວນ ເພື່ອຫຼຸດບັນຫາການຈາລະຈອນຕິດຄັດ

ໃນວັນທີ່ 17 ມັງກອນ 2018 ສໍານັກຂ່າວຊິນຫົວລາຍງານວ່າ ກຸ່ມບໍລິສັດ ຈົງຖັງ ສະກາຍເຣລເວຍຸ ຈໍາກັດ ຜູ້ຜະລິດລົດໄຟຟ້າລະບົບແຂວນທີ່ໃຊ້ພະລັງງານແບັດເຕີຣີລິທຽມ ຮ່ວມກັບບໍລິສັດຂອງລັດຖະບານຈີນໃນປີ 2016 ລາຍງານການຜະລິດລົດໄຟດັ່ງກ່າວ ຕອນນີ້ຢູ່ລະຫວ່າງການພັດທະນາເພື່ອນໍາໃຊ້ທາງທຸລະກິດພານິດ ໃນມົນທົນເສສວນ

ສໍາຫຼັບລົດໄຟລາງແຂວນນີ້ ຢູ່ສູງຈາກພື້ນ 5 ແມັດ ສາມາດແລ່ນດ້ວຍຄວາມໄວ 65 ກິໂລແມັດຕໍ່ຊົ່ວໂມງແລະຖືເປັນຕົວເລກທີ່ດີໃນການຂົນສົ່ງທີ່ສາມາດແກ້ໄຂບັນການຈາລະຈອນຕິດຄັດແລະການເກີດມີການບັງໃນຈຸດຊົມວິວຕ່າງໆ

ທ່ານ ຖັງຕັງ ປະທານບໍລິສັດລົດໄຟດັ່ງກ່າວຜ່ານການທົດສອບເທິງເສັ້ນທາງລົດໄຟມາແລ້ວຫຼາຍກວ່າ 18,000 ກິໂລແມັດ ນອກຈາກນີ້ທາງບໍລິສັດຍັງໄດ້ດໍາເນີນການພັດທະນາມາດຕະຖານດ້ານເທັກນິກອີກຫຼວງຫຼາຍ ເຊິ່ງໃນວັນທີ່15ມັງກອນ2018 ທີ່ຜ່ານມາຄະນະຜູ້ແທນຈາກປະເທດກໍາປູເຈຍເດີນທາງໄປເມືອງເສີງຕູ 

ທ່ານ  Seang Bunleang ສະມາຊິກຄົນໜື່ງຂອງຄະນະຜູ້ແທນໄດ້ກ່າວສະແດງຄວາມຫວັງວ່າ ວິທີການຂົນສົ່ງແບບໃໝ່ນີ້ຈະຖືກນໍາເຂົ້າມາໃນນະຄອນພະນົມເປັນ ເມືອງຫຼວງຂອງປະເທດກໍາປູເຈຍແລະຍັໄດ້ເປີດເຜີຍອີກວ່າ ທາງບໍລິສັດກໍາລັງເຮັດວຽກກັບຫຸ້ນສ່ວນກໍປູເຈຍກ່ຽວກັບການສົ່ງອອກລະບົບລາງແຂວນຢູ່ໃນຂະນະນີ້ ເຊິ່່ງມີນັກທຸລະກິດຈາກປະເທດອື່ນໆເຊັ່ນ: ສະຫະລັດອາເມຣິກາແລະອີຕາລີ ທີສະແດງຄວາມສົນໃຈທີ່ຈະໃຫ້ຄວາມຮ່ວມໃນໂຄງການນີ່້