ກໍາປູເຈຍ ຕົກລົງໃຊ້ເງິນຢວນ ຄ້າຂາຍກັບຈີນ ແທນການໃຊ້ເງິນໂດລ່າ

ສໍານັກຂ່າວຕ່າງປະເທດລາຍງານຂ່າວ ລັດຖະມົນຕີກະຊວງການຄ້າຂອງກໍາປູເຈຍ ໄດ້ເດີນທາງຢ້ຽມຢາມຈີນຢ່າງເປັນທາງການ ໄດ້ໂອລົມກັບຮອງເຈົ້າແຂວງ ກວາງຕຸ້ງຂອງຈີນ ເຊິ່ງທັງສອງໄດ້ໂອລົມເຖິງກໍລະນີທີ່ຈະມີການຄ້າຂາຍລະຫວ່າງກັນ ໂດຍທັງສອງປະເທດຈະດໍາເນີນການຄ້າຂາຍໂດຍໃຊ້ເງິນຢວນແລະຣຽວ  ເຊິ່ງເປັນສະກຸນເງິນຂອງສອງປະເທດ ແທນການໃຊ້ເງິນໂດລ່າທີ່ເຄີຍໃຊ້ຜ່ານມາ

ເຊີ່ງທາງຈີນໄດ້ຍົກປະເດັນຂື້ນວ່າຈາກປະສົບການທີ່ຜ່ານມາເມືອພວກເຂົາເຮັດການຄ້າກັບປະເທດອື່ນດ້ວຍເງິນໂດລ່າສະຫະລັດ ເມື່ອແລກປ່ຽນແລ້ວ ພວກເຂົາສູນເສຍເງິນເປັນຈໍານວນຫຼາຍ ດັ່ງນັ້ນພວກເຂົາຕ້ອງການໃຊ້ເງິນຢວນໂດຍກົງ

ສ່ວນທາງລັດຖະມົນຕີກະຊວງການຄ້າຂອງກໍາປູເຈຍ ໄດ້ຮຽກຮ້ອງໃຫ້ເຈົ້າໜ້າທີ່ມົນທົນເຂົ້າລົງທືນໃນກໍາປູເຈຍໃຫ້ຫຼາຍຂື້ນ ລວມທັງການນໍາເຂົ້າຜະລິດຕະພັນທາງການກະເສດຂອງປະເທດ

ຈີນເປັນຜູ້ບໍລິຈາກຄວາມຊ່ວຍເຫຼືອລາຍໃຫຍ່ທີ່ສຸດຂອງກໍາປູເຈຍ ຈີນແລະກໍາປູເຍ ຜັກດັນການຄ້າ ໂດຍມີເປົ້າໝາຍຕ້ອງໄປຮອດ 6.000 ລ້ານໂດລ່າໃນປີ 2020ຂະນະທີໃນປີ 2015 ຢູ່ທີ່ 4.400 ລ້ານໂດລ່າແລະການລົງທຶນຂອງຈີນໃນລະດັບສູງທີເກີດຂື້ນໃນກຸງພະນົມເປນ ລວມທັງໂຮງແຮມແລະກາສິໂນທີ່ກໍາລັງກໍ່ສ້າງເພື່ອຮອງຮັບຜູ້ຊື້ຊາວຈີນໃນເມືອງສີໜຸວິລລ໌