ເດມເບເລ່ ເປີດຕົວຢ່າງເປັນທາງການກັບບາຊ່າໃສ່ເສື້ອເບີ11

ບາເຊໂລນ່າ ເປີດຕົວ ອຸສມານ ເດມເບເລ່ ນັກເຕະຈອມບຸກເປັນທາງການຕໍ່ໜ້າສາວົກ ເຈົ້າບຸນທຸ່ມ ເກືອຍ 2 ໝື່ນຄົນເຊັນຍາວ 5 ປີ ພ້ອມເງື່ອນໄຂຄ່າຊີກສັນຍາມະຫາສານ 369 ລ້ານປອນ

ອຸສມານ ເດມເບເລ່ ປີກດາວຮຸ່ງຂອງທີມຊາດຝັຣງເສດເປີດຕົວຢ່າງເປັນທາງການຕໍ່ໜ້າແຟນບານເກືອບ 18,000 ຄົນໃນສະໜາມ ຄໍ້າ ນູ ຫຼັງຈາກຍ້າຍຈາກ ໂບຣຸສເຊຍ ດອຣ໌ທມູນ ມາຮ່ວມທັບບາເຊໂລນ່າ ດ້ວຍຄ່າຕົວ 97 ລ້ານປອນ

ດາວເຕະໄວ 20 ປີເຊັນສັນຍາກັບເຈົ້າບຸນທຸ່ມເປັນເວລາ 5 ປີພ້ອມເງື່ອນໄຂຄ່າຊີກສັນຍາລະບຸໄວ້ສູງເຖິງ 369 ລ້ານປອນ ຄາດວ່າເດມເບເລ່ຈະລົງຫຼີ້ນນັດທໍາອິດໃຫ້ກັບຕົ້ນສັງກັດໃໝ່ໃນເກມລີກທີ່ຈະຮັບການມາຢາມຂອງ ເອສປັນຢ່ອນ ວັນເສົາທີ່ 9 ກັນຍານີ້

ສໍາຫຼັບ ເດມເບເລ່ ກາຍເປັນນັກເຕະຄ່າຕົວແພງສຸດອັນດັບທີ່ 2 ຂອງໂລກ ຖັດຈາກ ເນມ່າ ສະຕາຣດັງທີມຊາດບຣາຊິວ ທີ່ຍ້າຍຈາກບາເຊໂລນ່າໄປຫຼີ້ນໃຫ້ກັບປາຣິສ ເຊງ-ແຊກແມງດ້ວຍຄ່າຕົວ 199 ລ້ານປອນໃນຊ່ວງຕົ້ນເດືອນທີ່ຜ່ານມາ