ບຸລຸດພະຍາບານວາງຢາເກີນຂະໜາດຂ້າຄົນຊີວິດເຈັບກວ່າ 84 ສົບ (ກົດຊົມຄລິບ)
ສໍານັກຂ່າວຕ່າງປະເທດລາຍງານຈາກນະຄອນເບີລິນປະເທດເຢຍລະມັນ ໃນວັນທີ່ 28 ສິງຫາວ່າ ທ້າວ
ນີລ ໂຮເກລອາດີດບຸລຸດພະຍາບານຊາວເຢຍລະມັນທີ່ຖືກສານຕັດສິນຈໍາຄຸກຕະຫຼອດຊີວິດ
ຈາກຄວາມຜິດໂທດຖານຄາດຕະກໍາຄົນເຈັບຫຼາຍລາຍດ້ວຍການວາງຢາຮັກສາໂລກຫົວໃຈເກີນຂະໜາດທີ່ຄີລນິກແຫ່ງໜື່ອງໃນເມືອງ
ໂອລເດນບວກ ທາງພາກຕາເວັນຕົກສ່ຽງເໜືອຂອງເຢຍລະມັນ ແຕ່ຄະນະໄອຍາການເຊື່ອວ່າ ໂຮເກລ
ສັງຫານປະຊາຊົນຫຼາຍກວ່ານີ້ໃນປີທີ່ແລ້ວລະບຸຕົວເລກຢ່າງໜ້ອຍ 43 ລາຍ ແຕ່ຫຼັກຖານຄົ້ນພົບໃໝ່ເຮັດໃຫ້ເຈົ້າໜ້າທີ່ເຊື່ອວ່າເຫຍື່ອສັງຫານຂອງພະຍາບານອໍາມະຫິດລາຍນີ້ມີຢ່າງໜ້ອຍ
84 ລາຍໂດຍທີ່ເຈົ້າໜ້າທີ່ໜ່ວຍກວດສອບຫຼັກຖານໄດ້ສືບສວນການເສຍຊີວິດຂອງປະຊາຊົນຫຼາຍລາຍລວມເຖິງການຂຸດສົບຂອງອະດີຄົນໄຂ້ຫຼາຍລາຍໃນເມືອງເດລຮອດສ໌
ແລະເມືອງໂອລເດນບວກທີ່ຢູ່ໃກ້ກັນ
ຫົວໜ້າສໍານັກງານຕໍາຫຼວດໃນເມືອງໂອລເດນບວກເຜີຍວ່າພົບຫຼັກຖານການສັງຫານຄົນເຈັບ
84 ລາຍ ນອກຈາກນັ້ນຍັງມີຄວາມເປັນໄປໄດ້ວ່າຄົນເຈັບເສຍຊີວິດຈາກສີມືບຸລຸດພະຍາບານລາຍນີ້ສູງກວ່ານີ້
ເນື່ອງຈາກສົບຂອງເຫຍື່ອບາງລາຍຖືກເຜົາເຮັດໃຫ້ບໍສາມາດລວບລວມຫຼັກຖານໄດ້
ຄລິບປະກອບ:
Post a Comment