ຈໍາຄຸກຕະຫຼອດຊີວິດອະດີດຜູ້ນໍາມົນທົນຫຼຽວໜິງ

ສະຫາຍ ຫວັງ ໝິນ ອະດີດເລຂາພັກທິການພັກຄອມມິສນິສຈີນປະຈໍາມົນທົນຫຼຽວໜິງ ທາງພາກຕາເວັນອອກສຽງເໜືອຖືກສານຕັດສິນໃຫ້ລົງໂທຈໍາຄຸກຕະຫຼອດຊີວິດແລະຍຶດຊັບສິນທັງໝົດໃຫ້ເປັນຂອງລັດ ຈາກຄວາມຜິດທຸຈະລິດຄໍລັບຊັ່ນ

ສໍານັກຂ່າວຣອຍເຕີລາຍງານຈາກກຸງປັກກິ່ງ ສາທາລະນະລັດປະຊາຊົນຈີນ ໃນວັນທີ່ 4 ສິງຫາສານໃນມົນທົນເຫີນານທາງພາກກາງ ມີຄໍາພິພາກສາໃນວັນສຸກ ສະຫາຍ ຫວັງ ໝິນ ມີຄວາມຜິດຖານຮັບສິນບົນ ແລະລະເລີຍຕໍ່ໜ້າທີ່ ໂດຍຈາກການລາຍງານຂອງໜັງສືພິມພີເພີ ເດລີ່ ຂອງທາງການຈີນ ໂດຍອ້າງເຖິງການເປີດເຜີຍຂອງສານ ລະບຸວ່າໃນລະຫວ່າງ 2004-2016 ຂະນະທີ່ສະຫາຍ ຫວັງ ດໍາລົງຕໍ່າແໜ່ງຫຼາຍແຫ່ງ ລວມເຖິງເລຂາທິການພັກຄອມມິວນິສຈີນປະຈໍາມົນທົນຈີ້ຫຼິນ ຕິດກັບຫຼຽວໜິງ ລາວໄດ້ໃຊ້ອໍານາດໜ້າທີ່ຕໍ່ແໜ່ງສະແຫວງຫາຜົນປະໂຫຍດສ່ວນຕົວ ຈາກການແຕ່ງຕັ້ງແລະໂຍກຍ້າຍຕໍາແໜ່ງບຸກຄົນອື່ນ

ສະຫາຍ ຫວັງ ອາຍຸ 67 ປີ ຮັບສິນບົນຫຼາຍກວ່າ 146 ລ້ານຍວນ  ແລະປະສົບຄວາມລົ້ມເຫຼວໃນການຊື້ສຽງ ໃນສະຖານນິຕິບັນຍັດມົນທົນຫຼຽວໜິງ ເຊິ່ງເຫດການນີ້ເຮັດໃຫ້ສະມາຊິກພັກໃນມົນທົນເຄິ່ງໜື່ງຖືກປົດໃນປີທີ່ແລ້ວເນື່ອງຈາກທຸຈະລິດ

ລາຍງານລະບຸອີກວ່າໃນລະຫວ່າງການພິຈາລະນາຄະດີໃນສານ ສະຫາຍ ຫວັງ ສໍານຶກຜິດແລະຍອມຮັບໃນສິ່ງກະທໍາ ເຮັດໃຫ້ໄດ້ຮັບໂທດເບົາລົງເຊິ່ງໝາຍເຖິງການຫຼອດຈາກໂທດປະຫານຊີວິດເຫຼືອຈໍາຄຸກຕະຫຼອດຊີວິດ

ການກວດລ້າງການທຸຈະລິດຄໍລັບຊັ່ນ ຕາມນະໂຍບາຍຂອງປະທານາທິບໍດີ ຈິ້ນຜິງ ມີເປົ້າໝາຍແມ່ນບັນດາເຈົ້າໜ້າທີ່ລະດັບສູງ ທັງໃນອຸດສາຫະກໍາແລະລັດຖະບານ ສິດກ່າວວ່າ ບັນຫານການທຸຈະລິດໃນປະເທດຮ້າຍແຮງ ຈົນເຖິງຂັ້ນສົ່ງຜົນກະທົບຕໍ່ການຄອງອໍານາດຂອງພັກຄອມມິວນິສຈີນ