4 ປະເທດຍັງຜະລິດຫົວລົບນິວເຄຣຍ

ສໍານັກຂ່າວຕ່າງປະເທດລາຍງານຈາກກຸງ ສຕອກໂຮລ໌ມ ປະເທດສະວີເດັນ ໃນວັນທີ່ 21 ກັນຍາ ວ່າສະຖາບັນວິໄຈສັນຕິພາບລະຫວ່າງໂລກປະເທດສຕອກໂຮລ໌ມ ຫຼື ເອສໄອພີອາຣ໌ໄອ ກ່າວວ່າ ການພັດທະນາໃນໂຄງການນິວເຄຣຍຂອງເກົາຫຼີເໜືອ ເຮັດໃຫ້ເກີດຄວາມບໍ່ໝັ້ນຄົງທາງການເມືອງລະຫວ່າງປະເທດແລະສົ່ງຜົນກະທົບຮ້າຍແຮງເປັນຕ່ອງໂສ້

ນັບແຕ່ເດືອນມັງກອນ 2017 ສະຫະລັດອາເມຣິກາ ຣັດເຊຍອັງກິດ ຝັຣງເສດ ຈີນ ອິນເດຍ ປາກີສະຖານ ອີສຣາເອລ ແລະເກົາຫຼີເໜືອ ລວມກັນມີຫົວລົບນິວເຄຣຍປະມານ 14,935 ລູກ ຫຼຸດຫຼົງຈາກ 15,395 ລູກ ໃນປີຜ່ານມາ

ແຕ່ 4 ປະເທດກໍາລັງຂະຫຍາຍຫົວລົບນິວນິວເຄຣຍໃນຄອບຄອງ ປະກອບມີ ຈີນ ອິນເດຍ ເກົາຫຼີເໜືອ ແລະ ປາກີສະຖານ

ແຊນນອນ ໄລ໌ ຫົວໜ້າໂຄງການອາວຸດນິວເຄຣຍຂອງເອສໄອພີອາຣ໌ໄອ ກ່າວວ່າ ກ້າວຍ່າງລ່າສຸດໃນການປົດອາວຸດນິວເຄຣຍຖືວ່າພຶງພໍໃຈ 122 ປະເທດອານຸມັດສົນທິສັນຍາຫ້າມອາວຸດນິວເຄຣຍ ທີ່ອົງການສະຫະປະຊາຊາດ ໃນເດືອນກໍລະກົດ 2017 ເຊິ່ງເປັນບາດກ້າວສໍາຄັນໃນການປົດອາວຸດນິວເຄຣຍໃນໄລຍະຍາວ