ຄິມຂູ່ທຣໍ້າຕ້ອງຊົດໃຊ້ຢ່າງສະສົມ ຫຼັງຈາກສັ່ງຄວໍ່າບາດເກົາຫຼີເໜືອ(ຊົມວີດີໂອ)

ຜູ້ນໍາເກົາຫຼີເໜືອເຕືອນປະທານາທິບໍດີສະຫະລັດ ຕ້ອງຊົດໃຊ້ຢ່າງສະສົມ ຕໍ່ການຄວໍ່າບາດສະຖາບັນການເງິນແລະຄວບຄຸມການຄ້າລະຫວ່າງປະຊາຄົມໂລກກັບເກົາຫຼີເໜືອ ແລະ ຖະແຫຼງທີ່ສື່ເຖິງການ ປະກາດສົງຄາມ

ສໍານັກຂ່າວຕ່າງປະເທດລາຍງານຈາກນະຄອນນິວຢອກ ປະເທດສະຫະລັດອາເມຣິກາ ໃນວັນທີ່ 21 ກັນຍາ ວ່າປະທານາທິບໍດີໂດນັລທຣໍ້າ ລົງນາມໃນຄໍາສັັ່ງບໍລິຫານ ຫ້າມບໍລິສັດແລະສະຖາບັນການເງິນປະເທດໃດກໍຕາມທີ່ເຮັດທຸລະກໍາຮ່ວມເກົາຫຼີເໜືອ ທັງໃນດ້ານພະລັງງານ ການແພດ ເໝືອງແຮ່ ອຸດສະຫະກໍາສິ່ງທໍ ແລະລະບົບຂົນສົ່ງສາທາລະນະ ທີ່ລວມໄປເຖິງຊິບປິງຫຼືການຂົນສົ່ງສິນຄ້າທາງເຮືອ ເປີດສໍານັກງານແລະມີສິດເຂົ້າເຖິງການທຸລະກໍາໃນສະຫະລັດ ຕະຫຼອດຈົນຫ້າມເຮືອບັນທຸກສິນຄ້າແລະອາກາດຍານຂອງປະເທດໃດກໍ່ຕາມທຽບທ່າໃນສະຫະລັດເປັນເລາ 180 ວັນ ຫາກພົບວ່າພາຫະນະເຫຼົ່ານັ້ນມີປະວັດການທຽບທ່າໃນເກົາຫຼີເໜືອມາກ່ອນ

ຕໍມາສໍານັກຂ່າວກາງເກົາຫຼີເຜີຍແຜ່ຖະແຫຼງການຂອງ ຄິມຈອງ-ອຶນ ຜູ້ນໍາສູງສຸດຂອງກົາຫຼີເໜືອວ່າ ທຣໍ້ ສະຕິບໍ່ສົມປະກອບ ແລະການເພີ່ມມາດຕະການຄວໍ່າບາດຕໍ່ເກົາຫຼີເໜືອຄັ້ງລ່າສຸດຂອງລັດຖະບານວໍຊີງຕັນ ແລະຖ້ອຍຄໍາຖະແຫຼງການຂອງຜູ້ນໍາສະຫະລັດໃນເວທີ ສະມັດຊາໃຫຍ່ສະຫະປະຊາຊາດ ທີ່ເອີ່ນຜູ້ນໍາສູງສຸດຂອງເກົາຫຼີເໜືອລຸ່ນທີ່ 2 ວ່າເປັນມະນຸດລູກສອນໄຟ ແລະປະກາດຈະຍ່ອງ ເກົາຫຼີເໜືອ ຖືເປັນ ືເປັນການປະກາດສົງຄາມອັນກ້ຽວກາດທີ່ສຸດ ໃນປະຫວັດສາດແຕ່ຈະແຮ່ງເພີ່ມໃຫ້ລັດຖະບານປຽງຢາງ ເລືອກເດີນທາງທີ່ຖືກຕ້ອງຈົນນາທີສຸດທ້າຍ ແລະສະຫະລັດຕ້ອງຊົດໃຊ້ຢ່າງສະສົມ ໃນເລື່ອງນີ້

ຊົມວີດີໂອ: