ກອງທັບສະຫະລັດເຊື່ອວ່າຫົວໜ້າໃຫຍ່ໄອເອສຍັງບໍ່ຕາຍປ(ກົດຊົມຄລິບ)

ສໍານັກຂ່າວຕ່າງປະເທດລາຍງານຈາກກຸງວໍຊີງຕັນປະເທດສະຫະລັດອາເມຣິກາ ໃນວັນທີ່ 1 ກັນຍາວ່າ ພົນທ ສຕີເຟນ ທາວນ໌ເຊນດ໌ ນາຍທະຫານກອງທັບສະຫະລັດ ໃນຖານະຜູ້ບັນຊາການກອງກໍາລັງຕໍຕ້ານໄອເອສໃນອີຣັກແລະຊີເຣຍ  ຖະແຫຼງຂ່າວທາງໄກຜ່ານວີດີໂອ ຄອນເຟີເຣນຊ໌ ໄປຫາກຸ່ມຜູ້ສື່ຂ່າວໃນກຸງວໍຊີງຕັນວ່າ ກອງກໍາລັງໃນສັງກັດຂອງລາວອອກໄລ່ລ່າຊອກຫາ ອັລ-ບັກຫ໌ດາດີ ທຸກມື້ແລະເຊື່ອວ່າຫົວໜ້າໃຫຍ່ຂອງກຸ່ມໄອເອສຍັງບໍ່ຕາຍ

ພົນໂທ ທາວເນ໌ເຊັນຍອມຮັບວ່າ ລາວບໍ່ຮູ້ເລີຍວ່າ ຕອນນີ້ອັລ-ບັກຫ໌ດາດີ ຢູ່ໃສ ແຕ່ເຊື່ອວ່າອາດຈະຫຼົບໜີພ້ອມກັບກຸ່ມໄອເອຈໍານວນຫຼາຍ ເຂົ້າສູ່ເຂດຕອນກາງຂອງແມ່ນໍ້າຢູເຟຣຕິສ ຮອຍຕໍ່ລະຫວ່າງຊີເຣຍກັບອີຣັກ ຫຼັງຈາກກອງກໍາລັງພັນທະມິດແລະນັກຮົບທ້ອງຖິ່ນບຸກໂມຕີຖານທີ່ໝັ້ນຫຼາຍແຫ່ງຂອງກຸ່ມໄອເອສໃນເມືອງໂມຊູລ ຮັກກາແລະຕໍລອະຟາຣ໌ “ພູເຂົາຕອນກາງຂອງແມ່ນໍ້າຢເຟຣຕິສຈະເປັນບ່ອນສັ່ງການສຸດທ້າຍຂອງກຸ່ມໄອເອສ” ພົນໂທ ທາວນ໌ເຊນດ໌ ກ່າວ ເມື່ອພວກເຮົາພົບຕົວລາວ ຂ້ອຍຄິດວ່າພວກເຮົາຈະພະຍາຍາມຂ້າລາວເປັນອັນດັບທໍາອິດເລີຍ ເພື່ອຕັດບັນຫາຫຍຸ້ງຍາກຫາກຈັບເປັນ

ດ້ວຍຄ່າລ່າກົວ 25 ລ້ານໂດລ່າ ຈາກສະຫະລັດ ອັລ-ບັກຫ໌ດາດີຊາວອີອີລັກປະສົບຄວາມສໍາເລັດໃນການຫຼົບໜີຈາກການໄລ່ລ່າຢ່າງໜັກດົນກວ່າ 6 ປີ ແຕ່ສູນສັງເກດການຊີເຣຍ(ເອສໂອເອອາຣ໌)ແຫ່ງອັງກິດເຊິ່ງມີຖານປະຕິບັດການພາກສະໜາມຢູ່ກຸງເບຣ ເລບານອນ ເຜີຍໃນກາງເດືອນ ມີຖຸນາ ທີ່ຜ່ານມາວ່າ ບໍໄດ້ຂ່າວຈາກກຸ່ມຜູ້ນໍາລະດັບຂອງໄອເອສໃນແຂວງເດອີເອຊຊໍຂອງຊີເຣຍວ່າ ອັລ-ບັກຫ໌ດາດີ ເສຍຊີວິດແລ້ວ

ກອງທັບຣັດເຊຍເຜີຍໃນກາງເດືອນ ມິຖຸນາ ເຊັ່ນດຽວກັນວ່າ ກໍາລັງພິສູດໃຫ້ເຫັນວ່າ ອັລ-ບັກດາດີເສຍຊີວິດແລ້ວ ຈາກການໂຈມຕີທາອາກາດຂອງເຄື່ອງບິນຣັດເຊຍໃນເດືອນ ພະຈິກ

ພນໂທ ທາວເນ໌ເຊັນ ກ່າວອີກວ່າ ລາວຍັງບໍ່ເຫັນພະຍານຫຼັກຖານຫຼືຂໍມູນຂ່າວທີ່ຊັດເຈນວ່າ ອັລ-ບັກຫ໌ດາດິ ເສຍຊີວິດແລ້ວ ແຕ່ມີເບາະແສຂ່າວຫຼາຍຊ່ອງທາງບົ່ງບອກວ່າ ລາວຍັງມີຊີວິດຢູ່

ຮູບພາບຈາກ: AFP, Youtube

ຄລິບປະກອບຈາກ: Alex Tirado