ຣັດເຊຍເຕືອນ ທຣໍ້າແລະຄິມ ຢຸດການກະທໍາຄືເດັກອານຸບານ(ຊົມວີດີໂອ)
ລັດຖະມົນຕີວ່າຕ່າງປະເທດຣັດເຊຍກ່າວວ່າປະທານາທິບໍດີສະຫະລັດແລະຜູ້ນໍາສູງສຸດເກົາຫຼີເໜືອຄວນຢຸດສະແດງພຶດຕິກໍາ
ຄືເດັກອານຸບານແລ້ວເຈລະຈາກັນເພື່ອບໍໃຫ້ສະຖານະການລຸກລາມໄປຫຼາຍກວ່ານີ້
ສໍານັກຂ່າວຕ່າງປະເທດລາຍງານຈາດນະຄອນນິວຢອກປະເທດສະຫະລັດອາເມຣິກາໃນວັນທີ່
22 ກັນຍາ ວ່າ ທ່ານ ເຊີເກລາຟຣໍຟ ລັດຖະມົນຕີວ່າຕ່າງປະເທດຣັດເຊຍ
ກ່າວໃນວັນສຸກທີ່ຜ່ານມາວ່າປະຊາຄົມໂລກຕ້ອງຊ່ວຍກັນຢັບຢັ້ງ ຄົນຫົວຮ້ອນສອງຄົນ
ເຊິ່ງຜິດກັນປານເດັກນ້ອຍອານຸບານ ດ້ວຍການເຮັດສົງຄາມປະສາດແລະສົງຄາມນໍ້າລາຍສາດໂຄລນໄປມາ
ຈື່ງຢູ່ທີ່ທຸກຝ່າຍບໍຄວນເມີນເສີຍຕໍ່ກິດຈະກໍາທາງທະຫານຂອງເກົາຫຼີເໜືອ
ແຕ່ກໍບໍ່ສາມາດໃຫ້ເກີດສົງຄາມໃນແຫຼມເກົາຫຼີ ໂດຍລາຟຣໍຟ ສະເໜີວ່າ ປະເທດທີ່ເປັນກາງໃນຢູໂຣບຄວນຈະເຂົ້າມາເຮັດໜ້າທີ່ຜູ້ໄກເກ່ຍຕາມແນວທາງການທູດ
ທ່ານ ເຊີເກລາຟຣໍຟ ລັດຖະມົນຕີວ່າຕ່າງປະເທດຣັດເຊຍ
ຄວາມຄັດແຍ້ງໃນແຫຼມເກົາຫຼີມີຄວາມຕຶງຄຽດຫຼາຍຂື້ນໃນວັນສຸກທີ່ຜ່ານມາ
ເມື່ອປະທານາທິບໍດີໂດນັລ ທຣໍ້າ ກ່າວເຖິງ ຄິມຈອງ-ອຶນ ວ່າເປັນຄົນບ້າ
ທີ່ບໍ່ລັງກຽດການປ່ອຍໃຫ້ປະຊາຊົນຕ້ອງອົດຢາກຫຼືກະທັ່ງຂ້າພົນລະເມືອງຂອງຕົນເອງ ແລະ ຄິມຈອງ-ອຶນ
ຈະຕ້ອງພົບບົດທົດສອບ ໃນແບບທີ່ບໍເຄີຍເກີດຂື້ນມາກ່ອນ ຫຼັງຈາກນັ້ນຜູ້ນໍາເກົາຫຼີເໜືອກ່າວວ່າ
ໝາໂຕໜຶາງເຫົ່າດັງ ແລະຜູ້ນໍາ ສະຫະລັດເສຍສະຕິທີ່ຄວບຄຸມຕົວເອງບໍ່ໄດ້
ດ້ວຍການກ່າວເທິງເວທີ່ສະມັດຊາໃຫຍ່ສະຫະປະຊາຊາດ ດູຖູກປະເທດຂອງລາວຕໍ່ໜ້າປະຊາຄົມໂລກ
ເຊິ່ງເກົາຫຼີເໜືອຖືເປົັນຄໍາປະກາດສົງຄາມ
ຊົມວີີໂອ:
Post a Comment