ຣັດເຊຍສັງຫານໄອເອສ ໃນຊີເຣຍອີກກວ່າ 180 ສົບ(ຊົມວີດີໂອ)

ກະຊວງປ້ອງກັນປະເທດຣັດເຊຍຖະແຫຼງການໃນວັນເສົາ ປະຕິບັດການທາງອາກາດຂອງເຮືອບິນຮົບໃນຊີເຣຍສັງຫານນັກຮົບໄອເອສຢ່າງໜ້ອຍ 120 ສົບແລະນັກຮົບຮັບຈ້າງຊາວຕ່າງຊາວອີກປະມານ 60 ສົບ ໃນໄລຍະ 24 ຊົ່ວໂມງທີ່ຜ່ານມາ

ສໍານັກຂ່າວເອເອຟພີລາຍງານຈາກກຸງມົດສະກູ ປະເທດຣັດເຊຍ ໃນວັນທີ່ 7 ຕຸລາ ວ່າ ຖະແຫຼງການຂອງກະຊວງປ້ອງກັນປະທດຣັດເຊຍຢືນຢັນກ່ນເສຍຊີວິດຂອງ 3 ຜູ້ບັນຊາການຮົບພາກສະໜາມຂອງກຸ່ມໄອເອສໃນຊີເຣຍ ລວມເຖິງ ໂອມາຣ໌ ອັລ-ຊີຊານີ ຊາວຄໍເຄຊັລເໜືອ ຈາກການໂຈມຕີທາງອາກາດຂອງເຮືອບິນຮົບຣັດເຊຍຄັ້ງກ່ອນໜ້ານີ້ ການຢືນຢັນມີຂື້ນເຖິງວ່າກະຊວງປ້ອງກັນປະເທດສະຫະລັດຈະຖແຫຼງໃນປີ 2016 ວ່າ ຊີຊານີ ຖືກທະຫານສະຫະລັດສັງຫານໃນອີລັກແລ້ວ

ຖະແຫຼງການໃນວັນເສົາ ກ່າວວ່າ ສູນບັນຊາການຂອງຜູ້ກໍ່ການຮ້າຍແລະນັກຮົບໄອເອສຢ່າງໜ້ອຍ 80 ຄົນ ລວມເຖິງຄົນຈາກຄໍເຄຊັສເໜືອ ຖືກທໍລາຍໃນພື້ນທີ່ມານາດິນ ແລະນັກຮົບໄອເອສອີກປະມນ 40 ຄົນເສຍຊີວິດ.