ເກົາຫຼີເໜືອກຽມທົດລອງຍິງຂີປະນາວຸດພິໄສໄກ

ສໍານັກຂ່າວຣອຍເຕີລາຍງານຈາກກຸງມົດສະກູ ປະເທດຣັດເຊຍໃນວັນທີ່ 7 ຕຸລາ ວ່າສໍານັກຂ່າວອາຣ໌ໄອເອສຂອງຣັດເຊຍລາຍງານໃນວັນສຸກທີ່ຜ່ານມາວ່າ ທ່ານ ອັນຕວນ ໂມໂຣຊອຟ ສະມາຊິກສະພາລຸ່ມຂອງຣັດເຊຍແລະສະມາຊິກຄະນະກໍາມະການຕ່າງປະເທດ ລັດທະສະພາຣັດເຊຍ ເປີຍເຜີຍຫຼັງການເດີນທາງຢ້ຽມຢາມກຸງປຽງຢາງໃນວັນທີ່ 2-6 ຕຸລາທີ່ຜ່ານມາພ້ອມກັບໝູ່ສະມາຊິກສະພາລຸ່ມອີກ 2 ຄົນວ່າ ເກົາຫຼີເໜືອກຽມການທົດລອງຍິງຂີປະນາວຸດພິໄສໄກຄັ້ງໃໝ່ ໂດຍໃຫ້ຂໍ້ມູນທາງຄະນິດສາດວ່າ ຂີປະນາວຸພິໄສໄກຂອງເກົາຫຼີເໜືອສາມາດຍິງເຖິງຝັ່ງຕາເວັນຕົກຂອງສະຫະລັດອາເມຣິກາ

ວ່າ ທ່ານ ອັນຕວນ ໂມໂຣຊອຟ ກ່າວອີກວ່າເທົ່າທີ່ເຂົ້າໃຈເກົາຫຼີເໜືອຕັ້ງໃຈທີ່ະຍິງຂີປະນາວຸດພິໄສໄກໃນອານາຄົດອັນໃກ້ນີ້ ເຊີ່ງການກະທໍາຂອງເກົາຫຼີເໜືອເບິ່ງຄືເປັນການຫວັງຮ້າຍກໍ່ສົງຄາມຫຼາຍກວ່າ

ຖ້ອຍຄໍາຖະແຫຼງຂອງສະມາຊິກສະພາຣັດເຊຍ ສົ່ງຜົນໃຫ້ທະນາບັດສະຫະລັດປັບຕົວຂື້ນສູງເພາະວ່ານັກລົງທືນວິຕົກກັງວົນກ່ຽວກັບທ່າທີຂອງເກົາຫຼີເໜືອຈະທົດລອງຍິງຂີປະນາວຸດຄັ້ງໃໝ

ແນວໃດກໍ່ຕາມສໍານັກຂ່າວຣອຍເຕີຍັງບໍ່ສາມາດຢືນຢັນ ຖ້ອຍຄໍາຖະແຫຼງການຂອງສະມາຊິກສະພາລຸ່ມຂອງຣັດເຊຍເພາະທ່ານບໍ່ໄດ້ບອກວ່າເຈົ້າໜ້່າທີ່ເກົາຫຼີເໜືອຄົນໃດເປັນຄົນໃຫ້ຂໍ້ມູນນີ້ ແຕ່ຄະນະສະມາຊິກສະພາຣັດເຊຍໄດ້ມີການຮ່ວມປະຊຸມລະດັບສູງໃນກຸງປຽງຢາງ