ສອງຍັກໃຫຍ່ ຈີນ-ຣັດເຊຍ ຮ່ວມມືກັນແກ້ໄຂບັນຫາໃນແຫຼມເກົາຫຼີ

ສໍານັກຂ່າວຕ່າງປະເທດລາຍງານວ່າໃນວັນທີ່ 15 ມັງກອນ 2018 ທີ່ຜ່ານມາ ທ່ານ ເຊີເກຍ໌ ລາຟຣໍຟ ລັດຖະມົນຕີວ່າການກະຊວງການຕ່າງປະເທດຂອງຣັດດເຊຍໄດ້ກ່າວວ່າ ຣັດເຊຍແລະຈີນກໍາລັງເຮັດວຽກຮ່ວມກັນຢ່າງໃກ້ຊິດໃນປະເດັນສໍາຄັນທັງລະດັບຕ່າງປະເທດແລະລະຫວ່າງປະເທດ

ໂດຍທັງສອງປະເທດກໍາລັງເຮັດວຽກຮ່ວກັນຢ່າງແຂ່ງຂັນໃນໂຄງການທີ່ເລີ່ມຕົ້ນຂອງພວກເຂົາ ວ່າດ້ວຍການປ່ຽນຈາກການປະເຊີນໜ້າທາງທະຫານສູ່ການຕັ້ງຖິ່ນຖານທາງການເມືອງໃນແຫຼມເກົາຫຼີ ເຊິ່ງເປັນໜື່ງໃນຫົວຂໍ້ທີ່ສໍາຄັນໃນວາລະການປະຊຸມລະຫວ່າງປະເທດ

“ຫາກເວົ້າຮອດປເດັນນິວເຄຣຍ ແນ່ນອນວ່າເລື່ອງນີ້ກ່ຽວຂ້ອງກັບປຽງຢາງແລະວໍຊີງຕັນເປັນຫຼັກ ແຕ່ພວກເຮົກກໍ່ພ້ອມທີ່ຈະມີສ່ວນໃນການເຈລະຈາທັງສອງຝ່າຍ ພາຍໃຕ້ກອບການເຮັດວຽກຂອງຂະບວນການ “ຫົກພັກ” ທີ່ ຣັດເຊຍ,ຈີນ,ສະຫະລັດອາເມຣິກາ,ເກົາຫຼີເໜືອແລະເກົາຫຼີໃຕ້ມີສ່ວນກ່ຽວຂ້ອງ”

ສໍາຫຼັບການຕັ້ງຖິ່ນຖານໃນຊີເຣຍນັ້ນ ຣັດເຊຍແລະຈີນຕ່າງກໍມີຄໍາເຫັນຄືກັນວ່າທີ່ຕ້ອງການໃຫ້ເກີດ ຫານຕັ້ງຖິ່ນຖານທາງການເມືອງໂດຍສະເພາະ ເຊິ່ງເກີດຈາກການຕັດສິນໃຈຂອງຄະນະມົນຕີຄວາມໝັ້ນຄົງແຫ່ງສະຫະປະຊາຊາດທີ່ຜ່ານການເຈລະຈາທາງການເມືອງ

ນອກຈາກນີ້້ ມາ ທ່ານ ເຊີເກຍ໌ ລາຟຣໍຟ ຍັງກ່າວເຖິງການໃຫ້ຄວາມສໍາຄັນກັບຄວາມຮ່ວມດ້ານຄວາມໝັ້ນຄົງລະຫວ່າງປະເທດ ພ້ອມໃຫ້ຂໍ້ມູນວ່າທັງສອງປະເທດໄດ້ຮ່ວມມືກັນຮ່າງເອກະສານສໍາຄັນກ່ຽວກັບການບໍ່ໃຫ້ໃຊ້ອາວຸດໃນອາວະກາດແລະການປ້ອງກັນບໍ່ໃຫ້ເກີດການກໍ່ການຮ້າຍທາງເຄມີແລະທາງຊີວິໍະວິທະຍາອີກດ້ວຍ ແລະເຫັນດີທີ່ຈະສົ່ງເສີມການລວມກຸ່ມສະຫະພາບເສດຖະກິດຢູເຣເຊຍ ແລະໂຄງການເສັ້ນທາງສາຍໄໝໃໝ່ອີກດ້ວຍ