ເຊັນສັນຍາການເຊົ່າສັນຍານດາວທຽມ ຮັບ-ສົ່ງ ການບັນຊາ ເຮືອບິນ ທີ່ຜ່ານນ່ານຟ້າ ຂອງລາວ
ຂປລ.
ໃນວັນທີ 27 ກັນຍາ 2017 ທີ່ວຽງຈັນເຊັນເຕີ, ໄດ້ມີພິທີເຊັນສັນຍາການເຊົ່າສັນຍານດາວທຽມຮັບ-ສົ່ງ
ການບັນຊາເຮືອບິນທີ່ຜ່ານນ່ານຟ້າຂອງ ສປປ ລາວ ລະຫວ່າງ
ກອງຄຸມຄອງການຈະລາຈອນທາງອາກາດ ແລະ ບໍລິສັດດາວທຽມລາວ ເອເຊຍ-ປາຊີຟິກ.
ຈຸດປະສົງພິທີເຊັນສັນຍາດັ່ງກ່າວ, ແມ່ນເພື່ອນຳໃຊ້ເຂົ້າເຊື່ອມສັນຍານວິທະຍຸບິນຜ່ານ ໃນທົ່ວປະເທດ ຈຳນວນ 4 ຈຸດ ຄື: ຊຽງຂວາງ, ວຽງຈັນ, ສະຫວັນນະເຂດ
ແລະ ປາກຊ່ອງ, ຊຶ່ງອຸປະກອນດັ່ງກ່າວ ພາຍໃຕ້ການຊ່ວຍເຫລືອຂອງໂຄງການຍີ່ປຸ່ນ
ຕິດຕັ້ງສຳເລັດໃນ ປີ 2015 ຜ່ານມາ. ຕາງໜ້າເຊັນສັນບາຄັ້ງນີ້, ໂດຍທ່ານ ສົມຈິດ ວິນິດແກ້ວພາວັນ ຫົວໜ້າກອງຈະລາຈອນທາງອາກາດ ແລະ ທ່ານ ແກ້ວວຽງໄຊ ສຸລິຍະ ຮອງຜູ້ອຳນວຍການບໍລິສັດ ດາວທຽມລາວ ເອເຊຍ-ປາຊີຟິກ, ພ້ອມດ້ວຍເຈົ້າໜ້າທີ່ທີ່ກ່ຽວຂ້ອງທັງສອງຝ່າຍເຂົ້າຮ່ວມ ເປັນສັກຂີພິຍານ.
ໃນໂອກາດນີ້, ທ່ານ ສົມຈິດ ວິນິດແກ້ວພາວັນ ກ່າວວ່າ: ປັດຈຸບັນ ມີ 100 ກວ່າສາຍການບິນທີ່ບິນຜ່ານນ່ານຟ້າຂອງ
ສປປ ລາວ ສະເລ່ຍ 850 ຖ້ຽວຕໍ່ວັນ ແລະ 10 ກວ່າສາຍການບິນ ມາຂຶ້ນ-ລົງ ໃນ 4 ສະໜາມບິນສາກົນຂອງລາວ ໄລຍະຜ່ານມາພວກເຮົາໄດ້ນຳໃຊ້ເຊົ່າສັນຍານດາວທຽມ Intelsat ຂອງອາເມລິກາ, ໂດຍຮັບຮອງຈາກບໍລິສັດ ETL ເປັນຜູ້ສະໜອງໃຫ້. ໃນໄລຍະດຽວກັນນັ້ນ ດາວທຽມລາວ ຍັງບໍ່ທັນໃຫ້ບໍລິການເທື່ອ ຈຶ່ງໄດ້ສັນຍາເຊົ່ານຳໃຊ້ເປັນເວລາ 2 ປີ ໃນປີ 2015 ຫາ 2016.
ທ່ານ ສົມຈິດ ວິນິດແກ້ວພາວັນ ກ່າວຕື່ມວ່າ: ສະນັ້ນວຽກງານການບໍລິການຈະລາຈອນທາງອາກາດ ແມ່ນໜ້າວຽກໜຶ່ງທີ່ເປັນຕ່ອງໂສ້ ກັບວຽກຄົມມະນາຄົມຂົນສົ່ງຂອງປະເທດເຮົາ ເວົ້າລວມ, ເວົ້າສະເພາະ ການຂົນສົ່ງທາງອາກາດເປັນທາງເລືອກຂອງຄົນສ່ວນໃຫຍ່ ໃນການເດີນທາງຈາກປະເທດໜຶ່ງ ໄປອີກປະເທດໜຶ່ງ, ເນື່ອງຈາກມີຄວາມສະດວກ, ວ່ອງໄວ ແລະ ປອດໄພສູງ. ໃນຍຸກໂລກາພິວັດ, ຍຸກແຫ່ງເຕັກໂນໂລຊີທັນສະໄໝ
ທັງເປັນຍຸດທະສາດໃນການເຊື່ອມໂຍງກັບອະນຸພາກພື້ນ ແລະ ທົ່ວໂລກ, ປັດຈຸບັນ ວຽກງານການຈະລາຈອນທາງອາກາດຂອງ ສປປ ລາວ ໄດ້ຮັບການພັດທະນາດ້ານຊັບພະຍາ ກອນມະນຸດ, ບັນດາລະບົບວິທະຍຸບໍລິການ-ການບີນ, ເສັ້ນທາງການບີນ ແລະ ອື່ນໆ ດີຂຶ້ນທຽບກັບບັນ ດາປະເທດໃກ້ຄຽງ
Post a Comment