ເກີດອຸປະຕິເຫດ! ເຮືອບິນໂດຍສານຕູລະກີ ອອກນອກຣັນເວເກືອບຕົກທະເລ

ສໍານັກຂ່າວຕ່າງປະເທດລາຍງານຈາກປະເທດຕຸລະກີໃນວັນທີ່ 14 ມັງກອນ ວ່າໂທລະພາບຊີເອັນເອັນ ເຕີກລາຍງານວ່າ ເຮືອບິນໂດຍສານໂບອີ້ງ 737 ຂອງສາຍການບິນພີກາຊັສ ເກີດອຸປະເຫດແລ່ນອອກນອກຣັນເວຂະນະທີ່ພະຍາມຍາມລົງຈອດທີ່ສະໜາມບິນໃນເມືອງແທຣບຊອນແຄມຝັ່ງທະເລດໍາພາກເໜືອຂອງຕຸລະກີ ໃນຕອນຄໍ່າຂອງວັນເສົາທີ່ຜ່ານມາ ຫຼັງຈາກອອກເດີນທາງຈາກກຸງອັງກາຣາເມືອງຫຼວງຂອງຕຸລະກີສູ່ປາຍທາງທີ່ເມືອງແທໜບຊອນ ແຕ່ກໍເກີດອຸປະຕິເຫດແລະເຮັດໃຫ້ເຮືອບິນຄ້າງຢູ່ແຄມໜ້າຜາຫ່າງຈາກທະເລພຽງບໍ່ທໍ່ໃດແມັດ

ຫຼັງຈາກເກີດອຸປະຕິເຫດທາງສາຍການບິນໄດ້ອອກຖະແຫຼງການວ່າບໍມີຜູ້ໄດ້ຮັບບາດເຈັບຫຼືເສຍຊີວິດໃນກຸ່ມຂອງຜູ້ໂດຍສານ 162 ຄົນໃນເຮືອບິນ ລແລະລູກເຮືອກໍຄືກັນໃນນັ້ນມີ 6 ຄົນ ນັກບິນ 2 ຄົນແລະພະນັກງານຕ້ອນຮັບເທິງເຮືອບິນອີກ 4 ຄົນ ໄດ້ຮັບການຊ່ວຍເຫຼືອແລະອົບພະຍົບອອກຈາກເຮຶອບິນໄດ້ສໍາເລັດ ສ່ວນສາເຫດຍັງບໍ່ທັນຊັດເຈນຍັງຢູ່ລະຫວ່າງການສືບສວນ